4 myń elordalyq shetelge barýdan bas tartty

NUR-SULTAN. QazAqparat – Nur-Sultan qalasynda qazirgi tańda 4 myńnan astam adam shetelge barýdan bas tartqan. Týrıstik operatorlardyń olarǵa qaıtaratyn qarajat kólemi shamamen 3 mıllıard teńgeni quraıdy. Bul týraly Nur-Sultan qalasy ákimdiginde ótken onlaın konferentsııada aıtyldy, dep habarlaıdy QazAqparat tilshisi.

«Qazaqstandaǵy tótenshe jaǵdaıǵa baılanysty Kásipkerler palatasy janynan jedel shtab quryldy. Biz 1632 kásiporyn arasynda saýalnama júrgizdik. Sonyń qorytyndysy boıynsha, kásiporyndardyń 30%-y ǵana jumys atqaryp jatqany anyqtaldy», - deıdi Nur-Sultan qalasy Kásipkerler palatasy dırektorynyń ekonomıkalyq máseleler jónindegi orynbasary Beısen Jolboldıev.

Onyń aıtýynsha, jedel shtab úsh basty máselege erekshe nazar aýdarady.

«Jumysyn tolyq toqtatqan kásiporyndarǵa nazar aýdaramyz. Mysaly iri saýda oryndarynan oryn jaldaıtyn jeke kásipkerlerge bir aıǵa jalǵa alý aqysyn tólemeı qoıýǵa bolatyn jeńildikter berildi. Degenmen, keıbir saýda ortalyqtarynyń basshylary bank aldynda nesıeleri bolǵandyqtan, mundaı jeńildik bere almaıtyndaryn alǵa tartady. Olardy da túsinýge bolady. Osy boıynsha jumystar jalǵasýda. Ekinshiden, týrızm salasyna nazar aýdaramyz. Nur-Sultan qalasynda qazirgi tańda 4 myńnan astam adam shetelge barýdan bas tartqan. Týr-operatorlardyń olarǵa qaıtaratyn qarajat kólemi shashamen 3 mıllıard teńgeni quraıdy», - deıdi ol.