4 myń dollaryn jumsap qoıǵanyn ata-anasynan jasyrǵysy kelgen jigit ózin tonap ketti dep habar bergen - Astana qalalyq ІІD
ASTANA. QazAqparat - Aǵymdaǵy jyldyń 25 naýryzynda saǵat 17.31-de Astana qalasy «Esil» aýdandyq ishki ister basqarmasynyń kezekshi bólimine 23 jastaǵy elorda turǵyny maska kıgen úsh belgisiz adamnyń ózine kúsh kórsetip, 4 200 AQSh dollaryn urlap ketkendigi jóninde habarlady.
Oqıǵa ornyna jedel-tergeý toby bardy. Atalmysh fakt QR QK 191-baby 3 b. («tonaý») boıynsha sotqa deıingi tergeýlerdiń biryńǵaı tirkeýine engizildi.
«Esil» aýdandyq ІІB bastyǵynyń orynbasary polıtsııa polkovnıgi Erik Egizbaevtyń aıtýynsha, D. esimdi azamat ótken jyldyń mamyr aıynda ashqan depozıttik shotyndaǵy 4 myń dollardan astam somany jumsap qoıǵandyǵyn ata-anasyna aıtýǵa qoryqqandyqtan, qaraqshylyq shabýyldy ımıtatsııalaǵan. Sol maqsatpen Astana qalasy ІІD Jedel basqarý ortalyǵynyń «102» pýltine ózin tonap ketkendigi jóninde habarlaǵan.
Onyń isi sotqa deıingi tergeýlerdiń biryńǵaı tirkeýine alynyp, QR QK 419-baby («qylmys jasalǵandyǵy jóninde jalǵan habar berý») boıynsha sotqa deıingi tergeý bastaldy.
Sotqa deıingi tergeý barysynda D. óz kinásin tolyq moıyndady, dep habarlaıdy Astana qalasy ІІD baspasóz qyzmeti.
