4 mıllıon adam Sırııadaǵy daǵdarys kesirinen úılerin tastap bosyp ketken
ASTANA. QazAqparat - 4 mıllıon adam Sırııadaǵy daǵdarys kesirinen úılerin tastap bosyp ketti. Bul týraly Italııada issaparymen júrgen BUU Bas hatshysy Pan Gı Mýn habarlaıdy, dep jazady khabar.kz.
Daǵdarys pen soǵystan qashqan jurttyń nópirinen, ásirese kórshiles Lıvan, Iordanııa, Túrkııa men Irak asa qatty zardap shegýde. Búginde Lıvan turǵyndarynyń tórtten biri - sırııalyq bosqyndar.
Aıta keteıik, Sırııada 2011 jyldan beri azamattyq soǵys júrip jatyr. Saldarynan 2 mıllıon turǵyn shuǵyl gýmanıtarlyq kómekke muqtaj. Taǵy jarty mıllıonnan astamy Kári Qurlyq elderinen saıası baspana suraǵan. Jalpy Eýrodaqta mıgranttarǵa qatysty týyndaǵan ahýal Ekinshi dúnıejúzilik soǵystan keıingi eń kúrdeli daǵdarystardyń birine aınalyp otyr.
«Sol sebepti búginde álemdegi 60 mıllıon adamdy bosqynǵa teńeýge bolady, - deıdi Pan Gı Mýn.
Bosqyndar máselesi qazir basty nazarda. Qazir bizdiń elimizde de 700-ge jýyq bosqyn turyp jatyr. Ekonomıka jáne beıbitshilik ınstıtýtynyń saraptamasy boıynsha Qazaqstan bıyl 162 eldiń ishinde beıbitsúıerligi boıynsha 87-orynǵa shyǵypty.
Kóshi-qon polıtsııasy departamentiniń málimetinshe, olardyń deni tájik, hazar, ózbek, arab jáne basqa da ult ókilderi. Basym bóligi Aýǵanstannan kelgender. Sondaı-aq az da bolsa Sırııa, Efıopııa, Samalıdan jetkenderi de bizdiń elde beıbit ǵumyr keship jatyr. Olardyń barlyǵy áleýmettik kómekke ıe.
