4 maýsym kúngi aýa raıy boljamy
NUR-SULTAN. QazAqparat – 4 maýsym kúni atmosferalyq frontaldy bólikterdiń ótýimen jekelegen óńirlerde naızaǵaı oınap, jańbyr jaýady. Keı jerlerde jel kúsheıedi. Qyzylorda oblysynda shańdy daýyl turady. Soltústikte jáne ortalyqta túnde jáne tańerteń tuman kútiledi, soltústikte burshaq jaýýy yqtımal, dep habarlaıdy QazAqparat.
«Qazgıdromet» RMK málimetinshe, Soltústik Qazaqstan, Pavlodar, Qaraǵańdy oblystarynda túnde jáne tańerteń keı jerlerde tuman kútiledi, jel 15-20 m/s kúsheıedi. Soltústik Qazaqstan oblysynda burshaq jaýýy yqtımal.
Aqmola oblysynda túnde jáne tańerteń keı jerlerde tuman kútiledi, kúndiz jel 15-20 m/s artady.
Mańǵystaý, Atyraý, Shyǵys Qazaqstan, Qyzylorda Aqtóbe oblystarynda, kúndiz Túrkistan, Jambyl, Batys Qazaqstan, Qostanaı oblystarynyń keı jerlerinde jeldiń kúshi 15-20 m/s bolady. Qyzylorda oblysynda jelmen shańdy daýyl kóteriledi.
Almaty, Jambyl, Túrkistan, Mańǵystaý oblysynyń ońtústiginde qatty ystyq bolady. Qyzylorda, Atyraý oblystarynyń ońtústiginde óte qatty ystyq kútiledi.
Qyzylorda, Pavlodar oblystarynda, Aqmola, Shyǵys Qazaqstan oblystarynyń keı jerlerinde, Jambyl, Túrkistan oblystarynyń soltústiginde, Aqtóbe oblysynyń ońtústiginde óte joǵary órt qaýpi boljanady.
