4 maýsym. Kazinform kúntizbesi. Tulǵalar týǵan kún

ESІMDER

67 jyl buryn (1959) ánshi, Qazaqstannyń halyq ártisi, Qazaqstan Memlekettik syılyǵynyń ıegeri, Barselonada ótken F.Vınıasa atyndaǵy Halyqaralyq vokalshylar konkýrsynyń arnaýly Djıno Bekkı syılyǵynyń ıegeri Nurjamal Pernebekqyzy ÚSENBAEVA dúnıege keldi.

Ońtústik Qazaqstan oblysynyń (qazirgi Túrkistan) Arys qalasynda týǵan. Almaty konservatorııasyn (qazirgi Qazaq ulttyq konservatorııasy) bitirgen. Sol jyldan bastap Qazaq akademııalyq opera jáne balet teatrynyń solo-ánshisi. Osy teatr sahnasynda oryndaǵan asa eleýli partııalary qatarynda Qyz Jibek, Dana (E.Brýsılovskıı «Qyz Jibek», «Er Tarǵyn»), Ajar (A.Jubanov, L.Hamıdı «Abaı»), Sara (M.Tólebaev «Birjan-Sara»), Zylıha (B.Jumanııazov «Mahambet»), Rozalıda (I.Shtraýs «Jarqanat»), Vıoletta (Dj.Verdı «Travıata»), Antonııa (J.Offenbah «Gofman ertegileri»), t. b. bar. Qazaq ánderin de («Shıli ózen», «Alqońyr», t. b.) úlken sheberlikpen oryndaıdy. Úsenbaevanyń repertýarynan ulttyq jáne shet el kompozıtorlarynyń ár alýan mýzykalyq shyǵarmalary oryn alǵan. Ánshi gastroldik saparmen Reseı qalalarynda, sondaı-aq, 1997 jyly Tatar akademııalyq opera jáne balet teatrynyń quramynda Portýgalııada, 1998 jyly Sankt-Peterbýrg akademııalyq opera jáne balet teatry kuramynda Japonııada jáne basqa elderde óner kórsetken. 2007 jyly «Karnegı-Holl» (Nıý-Iork) zalynda jeke kontsert bergen.

«Qurmet» ordenimen marapattalǵan.

48 jyl buryn (1978) Mańǵystaý oblysy boıynsha Memlekettik qazynashylyq departamentiniń basshysy Nurdos Tursynbekuly TOIBAEV dúnıege keldi.

Jambyl oblysynda týǵan. 1999 jyly Taraz memlekettik ýnıversıtetin «Býhgalterlik esep jáne aýdıt» mamandyǵy boıynsha bitirdi, biliktiligi «ekonomıst». 2003 jyly Qazaq eńbek jáne áleýmettik qatynastar akademııasyn «ıýrısprýdentsııa» mamandyǵy boıynsha bitirdi, biliktiligi «zańger».

2001-2003 jyldary Jambyl oblysy Baızaq aýdany boıynsha salyq komıtetiniń mamany, 2003-2005 jyldary Jambyl oblysy Baızaq aýdany boıynsha salyq komıtetiniń bólim basshysy, 2005-2006 jyldary Jambyl oblysy Baızaq aýdany boıynsha salyq komıteti tóraǵasynyń orynbasary, 2006-2013 jyldary Jambyl oblysy T.Rysqulov aýdany boıynsha salyq komıtetiniń tóraǵasy, salyq basqarmasynyń bastyǵy, 2013-2014 jyldary Jambyl oblysy Jambyl aýdany boıynsha salyq basqarmasynyń basshysy, 2014-2015 jyldary Jambyl oblysy Jambyl aýdany boıynsha memlekettik kirister basqarmasynyń basshysy, 2015-2017 jyldary Jambyl oblysy boıynsha memlekettik kirister departamenti aýdıt basqarmasynyń bólim basshysy, 2017-2019 jyldary Jambyl oblysy Baızaq aýdany ákiminiń orynbasary, 2019-2025 jyldary Jambyl oblysy boıynsha Qazynashylyq departamentiniń basshysy qyzmetinde boldy.

Qazirgi laýazymyn 2025 jylǵy qarashadan bastap atqaryp keledi.

45 jyl buryn (1981) Qazaqstan Respýblıkasy Parlamenti Májilisiniń VIII shaqyrylym depýtaty Baqytjan Jumabekuly BAZARBEK dúnıege keldi.

Taraz qalasynda týǵan. 1998-2002 jyldary Qazaq Memlekettik zań akademııasynda «Quqyqtaný» mamandyǵy boıynsha bilim aldy.

Eńbek joly: 2002 jyldan bastap L. N. Gýmılev Eýrazııa ulttyq ýnıversıtetiniń Zań ınstıtýtynyń «Memleket jáne quqyq» kafedrasy oqytýshysynyń assıstenti, «Agrarlyq jáne ekologııalyq quqyq» kafedrasynyń jer jáne ekologııalyq quqyq boıynsha oqytýshy bolyp jumys istedi. 2002-2004 jyldary L. N. Gýmılev Eýrazııa ulttyq ýnıversıtetiniń Zań ınstıtýty dırektorynyń tárbıe isi boıynsha orynbasary jáne «Agrarlyq jáne ekologııalyq quqyq» kafedrasynyń aǵa oqytýshy qyzmetin qosa atqardy. 2004 jyly «Bilim men testileýdiń memlekettik standarttarynyń ulttyq ortalyǵy» RMQK-nyń Ákimshilik-quqyq bólimi bastyǵynyń mindetin atqardy. 2004-2015 jyldary Qaz MZÝ-niń azamattyq-quqyqtyq páni kafedrasynyń aǵa oqytýshysy, 2007-2009 jyldary «Ormandy qorǵaý» JShS-niń Zań bóliminiń bastyǵy, 2015 jyly «Kólik servısi ortalyǵy» AQ-y Zań bóliminiń bastyǵy, 2015-2016 jyldary «Turan — Astana» ýnıversıtetiniń «Azamattyq jáne azamattyq-protsestik quqyq» kafedrasynyń oqytýshysy qyzmetin atqarǵan. 2016-2023 jyldary «Bazarbek Partners» zańgerlik konsaltıngtik kompanııanyń dırektory bolyp qyzmet atqarǵan.

2023 jyldan — bir mandatty saılaý okrýgi boıynsha QR Parlamenti Májilisiniń VIII saılanym depýtaty.

45 jyl buryn (1981) Qazaqstan Respýblıkasy Bas prokýratýrasynyń Sotqa deıingi tergep-tekserý qyzmetiniń bastyǵy Ashat Faızýllauly ShÁRІPOV dúnıege keldi.

Soltústik Qazaqstan oblysynda týǵan. Qazaq gýmanıtarlyq-zań ýnıversıtetin quqyqtaný mamandyǵy boıynsha aıaqtaǵan, D.Qonaev atyndaǵy Eýrazııa zań akademııasynyń magıstratýrasyn bitirgen. Synyptyq sheni — aǵa ádilet keńesshisi.

Eńbek jolyn 2002 jyly Aqmola oblysy Shortandy aýdany prokýrorynyń kómekshisi retinde bastaǵan. 2004-2005 jyldary QR Bas prokýratýrasynyń Quqyqtyq statıstıka jáne arnaıy esepke alý jónindegi komıtetiniń Ortalyq kólik aýmaǵy boıynsha basqarma aǵa prokýrory, 2005-2006 jyldary Soltústik Qazaqstan kólik prokýrorynyń aǵa kómekshisi, 2006-2009 jyldary Ortalyq aýmaqtyq kólik prokýrorynyń Sot qaýlylarynyń zańdylyǵyn qadaǵalaý jáne atqarýshylyq is júrgizý jónindegi kómekshisi, aǵa kómekshisi, 2009-2010 jyldary Ortalyq aýmaqtyq kólik prokýratýrasynyń Sot aktileriniń zańdylyǵyn qadaǵalaý jáne sottaǵy memleket múddelerin qorǵaý basqarmasynyń bastyǵy, 2010-2011 jyldary QR Bas prokýratýrasynyń Sotta memleket múddelerin qorǵaý departamentiniń aǵa prokýrory, 2011-2012 jyldary QR Bas prokýratýrasynyń Áleýmettik-ekonomıkalyq saladaǵy zańdylyqty qadaǵalaý departamentindegi QR Bas Prokýrorynyń kómekshisi, 2012-2015 jyldary Bas kólik prokýratýrasynyń Almaty qalasynyń avıatsııalyq kólik prokýrory, 2015-2018 jyldary Almaty qalasy Túrksib aýdanynyń prokýrory, 2018-2019 jyldary Soltústik Qazaqstan oblysy Aıyrtaý aýdanynyń prokýrory, 2019-2022 jyldary Almaty qalasy prokýrorynyń halyqaralyq yntymaqtastyq jónindegi aǵa kómekshisi, 2022-2024 jyldary Almaty qalasy prokýratýrasynyń Sotqa deıingi tergeý basqarmasynyń bastyǵy, 2024-2026 jyldary Almaty qalasy prokýrorynyń orynbasary. laýazymyn atqarǵan.

2026 jylǵy 7 aqpanda QR Bas prokýratýrasynyń Sotqa deıingi tergep-tekserý qyzmetiniń bastyǵy laýazymyna taǵaıyndaldy.

B.Momyshuly atyndaǵy II dárejeli «Aıbyn» ordenimen, «Qazaqstan Respýblıkasynyń táýelsizdigine 20 jyl», «Qazaqstan Respýblıkasynyń táýelsizdigine 30 jyl», «Qazaqstan Respýblıkasynyń prokýratýrasyna 20 jyl», «Qazaqstan Respýblıkasynyń prokýratýrasyna 30 jyl» mereıtoılyq medaldarymen, «Halyqaralyq yntyaqtastyqty damytýǵa qosqan úlesi úshin», I, II, III dárejeli «Minsiz qyzmeti úshin» vedomstvolyq medaldarymen, «Prokýratýra úzdigi» jáne «Prokýratýranyń qurmetti qyzmetkeri» tósbelgilerimen marapattalǵan.

33 jyl buryn (1993) Qazaqstan Respýblıkasy Ulttyq statıstıka bıýrosynyń Adam resýrstaryn damytý departamentiniń dırektory Arsen Abzaluly JAQYPOV dúnıege keldi.

І. Jansúgirov atyndaǵy Jetisý memlekettik ýnıversıtetin, Qazaqstan Respýblıkasy Prezıdenti janyndaǵy Memlekettik basqarý akademııasyn jáne «Bolashaq» baǵdarlamasy boıynsha Iork ýnıversıtetin (Ulybrıtanııa) bitirgen. Sondaı-aq, DBB akademııasynda (Germanııa, Berlın q.), sonymen qatar Muhammed ıbn Rashıd atyndaǵy Memlekettik basqarý mektebinde (BAÁ, Dýbaı q.) sheteldik taǵylymdamadan ótti.

Eńbek jolyn Taldyqorǵan qalasynyń sáýlet jáne qala qurylysy bóliminiń jetekshi mamany (zańgeri) bolyp bastady. 2015-2016 jyldary Taldyqorǵan qalasynyń sáýlet jáne qala qurylysy bóliminiń sáýlet-josparlaý sektorynyń jetekshi mamany, Narynqol aýyldyq okrýgi ákimi apparatynyń jetekshi mamany, 2016-2018 jyldary QR Memlekettik qyzmet isteri jáne sybaılas jemqorlyqqa qarsy is-qımyl Agenttiginiń Almaty oblysy boıynsha departamenti memlekettik qyzmetter basqarmasynyń jetekshi mamany, 2018-2019 jyldary QR Memlekettik qyzmet isteri jáne sybaılas jemqorlyqqa qarsy is-qımyl Agenttiginiń Almaty oblysy boıynsha departamenti memlekettik qyzmet salasyndaǵy baqylaý basqarmasynyń bas mamany, 2019-2020 jyldary QR Aqparat jáne qoǵamdyq damý mınıstrligi Azamattyq qoǵam isteri komıteti qoǵamdyq-saıası jumys basqarmasynyń bas sarapshysy qyzmetinde boldy. 2020-2022 jyldary QR Aqparat jáne qoǵamdyq damý mınıstrligi Memleket jáne qoǵam kommýnıkatsııalaryn damytý departamentiniń qoǵamdyq qatysý jáne ashyqtyq qaǵıdattaryn memlekettik organdarda damytý basqarmasynyń basshysy, 2022-2023 jyldary Adam quqyqtary jónindegi ýákiliniń Pavlodar oblysy boıynsha ókili boldy. 2023-2024 jyldary QR Memlekettik qyzmet isteri agenttigi Almaty oblysy boıynsha departamentiniń basshysy, Ádep jónindegi keńes tóraǵasy laýazymyn atqarǵan.

Qazirgi qyzmetin 2024 jyldyń jeltoqsan aıynan bastap atqaryp keledi.