4 mamyrdan bastap Úndistanda bolǵan sheteldikter AQSh-qa kire almaıdy

NUR-SULTAN. QazAqparat – Úndistandaǵy koronavırýstyń taralý jaǵdaıy kóptegen elderge arnaıy shara qabyldaýǵa ıtermeleýde, dep habarlaıdy QazAqparat.

QR Úkimeti janyndaǵy Qazaqstanda koronavırýstyń taralýyna jol bermeý jónindegi VAK jumysy týraly shuǵyl resmı aqparattyń telegram kanaly jarııalaǵan málimetke sáıkes, Malaızııada eń alǵash Úndistanda anyqtalǵan koronavırýstyń bir túri tabyldy. Dárigerler bul vırýsty Kýala-Lýmpýr áýejaıynda testileý kezinde Úndistan azamatynan anyqtady. Buǵan deıin Malaızııa bıligi Úndistanmen kólik qatynasyn tolyǵymen toqtatqan bolatyn.

Albanııa bıligi Reseıdiń « Spýtnık V « vaktsınasyn tirkedi, preparattyń alǵashqy partııasy elge jetkizildi. Albanııa Reseı vaktsınasyn qoldanýǵa ruqsat etilgen 64-shi el boldy.
AQSh prezıdenti Djo Baıden Úndistannan AQSh-qa kirýge shekteýler qoıdy. Sońǵy eki aptada Úndistanda bolǵan sheteldikter 4 mamyrdan bastap elge kire almaıdy.
Koronavırýs ınfektsııasyn juqtyrý jaǵdaılarynyń sany boıynsha Túrkııa álemde 5-shi orynǵa shyqty- 4,87 mıllıonnan astam jaǵdaı.
Úndistanda koronavırýstan qaıtys bolǵandardyń táýliktik ósimi boıynsha jańa antırekord tirkeldi-3 689 jaǵdaı. Bul týraly QazAqparat tolyq málimet jarııalaǵan edi.