4 mamyrdan bastap Pavlodarda 30 myńnan astam adam jumysqa shyǵady
« Jaqyn arada karantındi jeńildetýdiń ekinshi kezeńi bastalady. Sizderdiń kópshiligińiz ony kúttińizder, keıbir nysandardyń ashylý merzimi týraly suradyńyzdar. Men sizderge 4 mamyrdan bastap Pavlodar oblysynyń 30 myń turǵyny jumysyna oralyp, óz bıznesin qaıta jandandyratynyn qýanyshpen málimdeımin», - dep jazdy obyls ákimi Ábilqaıyr Sqaqov Facebook paraqshasynda.
Sonymen, dúısenbiden bastap qysqartylǵan jumys kúni jáne aldyn ala jazylý boıynsha myna nysandar jumysyn bastaıdy:
• Medıtsına jáne optıka ortalyqtary;
• Sulýlyq salondary;
• Aýmaǵy 500 sharshy metrge deıingi azyq-túlik satpaıtyn dúkender;
• Aqparattyq baılanys tehnologııalary ortalyqtary, jarnama, jyljymaıtyn múlik, qoıma jáne logıstıka salasyndaǵy kompanııalar;
• Advokattar men notarıýstar;
• Kishigirim qarjy uıymdary, saqtandyrý kompanııalary, lombardtar men ı aıyrbastaý pýnkteri;
• Sýret salondary, gúl satatyn dúńgirshekter jáne basqalar. ⠀
Sonymen qatar, dalada sportpen aınalysýǵa ruqsat beriledi. Oblystyń bas memlekettik sanıtar dárigeriniń qaýlysy BAQ-ta jarııalanǵan.
«Qurmetti jerlester, karantın sharalarynyń jeńildetilýi óz densaýlyǵymyzǵa nemquraıly qaraýǵa bolady degendi bildirmeıdi. Burynǵydaı barlyq sanıtarlyq-epıdemıologııalyq talaptardy saqtap, ózimiz ben jaqyndarymyzdy qorǵaýymyz kerek», - deıdi oblys basshysy.
Foto: Olgı Býgaevoı