4 mamyrda el aýmaǵynyń basym bóliginde kúshti jel turady
NUR-SULTAN. QazAqparat – 4 mamyrda respýblıkanyń shyǵys bóliginde qubylmaly aýa raıy saqtalady, atmosferalyq aǵyndardyń ótýine baılanysty keı jerlerde jańbyr jaýady, dep habarlaıdy QazAqparat «Qazgıdromet» RMK silteme jasap.
Elimizdiń batys aýmaǵynda antıtsıklon áserinen keı jerlerde tuman túsip, kún kúrkireıdi, sondaı-aq jel kúsheıip, burshaq jaýýy yqtımal. Shyǵysta jáne soltústik shyǵysta uıtqyp jel turady, ońtústikte – shańdy daýyl.
Pavlodar oblysynda kúndiz keı jerlerde kún kúr kúrkireıdi, burshaq jaýýy múmkin, túnde keı jerlerde, al kúndiz basym bóliginde jel 15-20 m/s deıin kúsheıedi.
Shyǵys Qazaqstan oblysynda keı jerlerde kún kúrkirep, jeldiń jyldamdyǵy 15-20 m/s jetedi, burshaq jaýýy yqtımal.
Qostanaı oblysynda keı jerlerde jeldiń kúshi 15-20 m/s jetedi, túnde jáne tańerteń tuman túsedi.
Qaraǵandy oblysynda keı jerlerde kún kúrkireıdi, tuman, jeldiń kúshi 15-20 m/s.
Almaty oblysynda túnde jáne tańerteń kún kúrkireıdi, jeldiń jyldamdyǵy 15-20 m/s jetedi, burshaq jaýýy múmkin.
Soltústik Qazaqstan, Túrkistan, Qyzylorda, Aqmola oblystarynyń keı jerlerinde jel 15-20 m/s kúsheıýi yqtımal. Aqmola oblysynda keı jerlerde tuman túsedi, Qyzylorda oblysynda – keı jerlerde shańdy daýyl.
Batys Qazaqstan, Atyraý, Mańǵystaý oblystarynda kúndiz keı jerlerde jel ekpini 15-20 m/s bolady, Mańǵystaý oblysynda keı jerlerde kún kúrkúreıdi.
Jambyl oblysynda túnde keı jerlerde kúndiz jeldiń jyldamdyǵy 15-20 m/s jetedi.
