4 mamyr kúni Qazaqstanda ótetin mańyzdy sharalarǵa sholý

NUR-SULTAN

Saǵat 11.00-de «Nur Otan» partııasynyń Ortalyq apparatynda «Nur Otan» partııasy Tóraǵasynyń Birinshi orynbasary Máýlen Áshimbaevtyń qatysýymen QR Prezıdenttigine úmitker Qasym-Jomart Toqaevtyń Respýblıkalyq qoǵamdyq shtabynyń óz jumysyn bastaýyna baılanysty brıfıng ótedi.

Saǵat 11.00-de Táýelsizdik saraıynda «Damý» qorynan qoldaý tapqan otandyq óndirýshilerdiń taýarlary tanystyrylady.

ALMATY

Saǵat 10.00-de Almaty qalasy boıynsha «Azamattarǵa arnalǵan úkimet» memlekettik korporatsııasynyń 3 jyl ishindegi jumys qorytyndysyna arnalǵan baspasóz týry ótkiziledi. Tsıfrlandyrý salasyndaǵy jumys qorytyndylary men jetistikter týraly «Azamattarǵa arnalǵan úkimet» memlekettik korporatsııasy» KEAQ Almaty qalasy boıynsha fılıalynyń dırektory Danııar Batanuly Kırikbaev aıtyp beredi.

Saǵat 10.00-de «Atakentte» Almaty qalasy ákimdiginiń qoldaýymen «Men almatylyqpyn» qoǵamdyq birlestigi Tórtinshi Halyqaralyq "Sporttyq Lıga" densaýlyq jáne sport festıvalin ótkizedi. «Sporttyq Lıga» festıvali - kóptegen sporttyq pánderdi biriktiretin Qazaqstandaǵy eń iri shara bolyp esepteledi.

Saǵat 10.00-de «Atakentte» World Powerlifting Congress Federatsııasynyń uıymdastyrýymen jatyp shtanga kóterý oıynsha QR Chempıonaty ótkiziledi. Jarys «Sportyq Lıga» festıvaliniń aıasynda uıymdastyrylady. Tuǵyrǵa Qazaqstan men basqa elderden 200-ge jýyq sportshy shyǵady.

Saǵat 12.00-de Qazaqstan baspasóz klýbynda «ILE-BALKHASH FESTIVAL 2019» bastamasyna arnalǵan baspasóz konferentsııasy ótedi. Baspasóz konferentsııasynyń spıkeri: Mels Eleýsizov - «Tabıǵat» ekologııalyq odaǵynyń tóraǵasy.