4 mamyr kúngi aýa raıy boljamy
NUR-SULTAN. QazAqparat – 4 mamyr kúni Qazaqstan terrıtorııasynyń basym bóliginde jaýyn-shashynsyz aýa raıy kútiledi. Elimizdiń tek soltústik-shyǵysynda jáne batysynda atmosferalyq frontaldy bólikterdiń ótýine baılanysty jańbyr jaýady. Batysta naızaǵaı boljanady. Respýblıkanyń jekelegen óńirinde jel kúsheıedi, ońtústikte jelmen birge shańdy daýyl kóteriledi, soltústikte túnde jáne tańerteń tuman bolady. QazAqparat bul týraly «Qazgıdromet» RMK-ǵa silteme jasap habarlaıdy.
Atap aıtqanda, Qyzylorda oblysynyń keı jerlerinde shańdy daýyl turyp, jeldiń kúshi kúndiz 25 m/s artýy yqtımal.
Túnde Pavlodar, kúndiz Aqmola, Almaty, Túrkistan, Batys Qazaqstan, Qostanaı, Soltústik Qazaqstan, Qaraǵandy oblystarynyń keı jerlerinde jeldiń kúshi 15-20 m/s artady. Túrkistan oblysynda sondaı-aq shańdy daýyl boljanady. Batys Qazaqstan oblysynyń keı jerlerinde – naızaǵaı, Soltýstik Qazaqstan oblysynyń keı jerlerinde túnde jáne tańerteń tuman kútiledi.
Jambyl oblysynyń keı jerlerinde jeldiń ekpini kúndiz 23-28 m/s jetedi.
Túnde Aqmola, Soltústik Qazaqstan, Qaraǵandy, Shyǵys Qazaqstan oblystarynyń keı jerlerinde 3 gradýsqa deıin úsik kútiledi.
Eske salaıyq, sınoptıkter buǵan deıin birqatar óńirde eskertý jarııalaǵan bolatyn.
