4 qyrkúıekte Respýblıkanyń basym bóliginde aýa raıy jaýyn-shashynsyz bolady
ASTANA. 3 qyrkúıek. QazAqparat - Respýblıkanyń basym bóliginde jaýyn-shashynsyz aýa raıy saqtalady.
Bul týraly Qazgıdrometke silteme jasap, QR TJM habarlaıdy.
Respýblıkanyń batysynda jáne soltústiginde aýa raıy turaqsyz bolady dep kútilýde, keı jerlerde jańbyr jaýyp, naızaǵaı jarqyldaıdy jáne jel kúsheıedi.
Jambyl oblysynda, kúndiz Atyraý, Batys Qazaqstan, Qostanaı, Soltústik Qazaqstan, Shyǵys Qazaqstan oblystarynda keı jerlerde jel 15-20 m/s-qa kúsheıedi.
Almaty oblysy Jalańashkól aýdanynda 15-20 m/s jel soǵady.
Qaraǵandy oblysynda kúndiz keı jerlerde qatty ystyq bolady dep kútilýde. Ońtústikte, ońtústik-shyǵysta, respýblıkanyń ortalyǵy jáne batysynyń keı jerlerinde joǵary órt qaýpi saqtalady.
