4 qyrkúıekte ótetin mańyzdy sharalar ańdatpasy
NUR-SULTAN
9.30-da «Qazaqstandaǵy sybaılas jemqorlyqqa qarsy is-qımyldyń tıimdi aldyn alý sharalary» jobasy boıynsha qorytyndy dóńgelek ústel ótedi. Onyń aıasynda Qazaqstandaǵy parlamentarızmdi damytý qory Nıderlandy Koroldigi elshiliginiń qarjylyq qoldaýymen sybaılas jemqorlyqqa qarsy is-qımyldyń tıimdi quraldaryn ázirledi.
Konferentsııa ıdentıfıkatory: 830 7170 6078, qupııasóz: 489964
10.00-de QR Úkimetiniń Baspasóz ortalyǵynda Memleket basshysy Joldaýyn iske asyrý sharalary týraly brıfıng ótedi. Oǵan QR Premer-Mınıstriniń birinshi orynbasary Á. Smaıylov, QR Ulttyq ekonomıka mınıstri R. Dálenov, QR Qarjy mınıstri E. Jamaýbaev, QR Qarjy naryǵyn retteý jáne damytý agenttiginiń tóraǵasy M. Ábilqasymova qatysady. Brıfıng onlaın rejımde PrimeMinister.kz saıtynda, áleýmettik jelilerdegi resmı akkaýnttarynda jáne «Habar 24» telearnasynda kórsetiledi.
12.20-da QR Prezıdenti janyndaǵy Ortalyq kommýnıkatsııalar qyzmetinde Jastar arasynda volonterlik brendin tanymal etýge arnalǵan «AShYQ JÚREK» jobasy týraly baspasóz máslıhaty ótedi. Oǵan Qazaqstan volonterleri lıgasynyń tóraıymy Aısulý Ernııazova, Qazaqstan volonterleri Lıgasy úılestirý keńesiniń múshesi Ázız Qajdenbek, Nur-sultan qalasyndaǵy Qazaqstan volonterleri Lıgasy fılıalynyń dırektory Sultan Allabergenov, Almaty qalasyndaǵy Qazaqstannyń eriktiler lıgasy fılıalynyń tóraǵasy Baǵdat Anarbaeva qatysady. Kórsetilim siltemeleri: https://www.youtube.com/user/ortcomkz, https://ru-ru.facebook.com/ortcomkz
15.00-de Atameken Ulttyq kásipkerler palatasy Adamı kapıtaldy damytý jáne bıznestiń áleýmettik saıasaty komıtetiniń kezekti otyrysy onlaın translıatsııada ótedi. Otyrysqa QR Bilim jáne ǵylym mınıstrliginiń, qaýymdastyqtardyń, odaqtardyń ókilderi jáne basqa da múddeli organdardyń ókilderi qatysady.
ALMATY
10.00-de Almaty qalasynyń óńirlik kommýnıkatsııalar qyzmeti Almaty qalasynyń Naýryzbaı aýdanyndaǵy ónerkásiptik park aýmaǵyna baspasóz týryn uıymdastyrady.
11.00-de Dostyq úıinde QR Prezıdenti Q. Q. Toqaevtyń bıylǵy Qazaqstan halqyna Joldaýyn talqylaý úshin QR Memlekettik hatshysy Qyrymbek Kósherbaevpen jáne Almaty qalasynyń ákimi Baqytjan Saǵyntaevpen kezdesý ótedi.