4 kúndik jumys aptasy: qazaqstandyqtardyń jalaqysy qalaı esepteledi
ASTANA. KAZINFORM — Qazaqstanda qoldanystaǵy Eńbek kodeksine sáıkes, aptasyna 4 kún jumys isteýge ruqsat. Onyń mán-jaıyn Eńbek jáne halyqty áleýmettik qorǵaý mınıstrligi eńbek jáne áleýmettik áriptestik departamentiniń basshysy Shalqar Orazbek túsindirip berdi.
— 2015 jyldan bastap qoldanystaǵy Eńbek kodeksine sáıkes, 4 kúndik jumys rejımine ruqsat berilgen. Sonymen qatar 2023 jyly Áleýmettik kodeks aıasynda 4 kúndik jumys aptasyn 5 kúndik jáne 6 kúndik jumys aptasymen keltire otyryp engizý týraly jańa ereje qabyldandy. Jalaqy máselesine toqtalar bolsaq, Eńbek kodeksine sáıkes, jalaqy oryndalǵan jumystyń kólemine, sanyna qaraı tólenedi. Demek apta ishindegi jumys kúni qysqaratyn bolsa, jalaqy soǵan sáıkes esepteledi, — dedi Shalqar Orazbek ortalyq kommýnıkatsııalar qyzmeti alańynda ótken baspasóz máslıhatynda.
Mınıstrlik ókiliniń málimdeýinshe, Eńbek kodeksine sáıkes, eger jumys berýshi 4 kúndik jumys jaǵdaıynda jumysshylarǵa 5 nemese 6 kúndik jumys erejesine saı jalaqy tóleımin dese, oǵan zań tyıym salmaıdy.
Eske sala ketsek, elimizde 4 kúndik jumys aptasyna kóshý máselesi burynnan aıtylyp keledi.
Birer jyl buryn sol kezdegi Eńbek jáne halyqty áleýmettik qorǵaý mınıstri Tamara Dúısenova tórt kúndik jumys aptasyna qatysty pikir bildirgen edi.