4 kún boıy iz-túzsiz ketken qostanaılyq tabyldy
QOSTANAI. QazAqparat - 10 qarasha kúni Borovskoe aýylyndaǵy úıinen shyǵyp ketken Lıýbov Núrpeıisova Meńdiqara-Qostanaı baǵytyndaǵy jol boıynan tabyldy, dep habarlaıdy QazAqparat tilshisi.
Bizge Lıýbov Núrpeıisovanyń tabylǵany týraly qyzy Meńsulý Qurmanova habarlap aıtty.
«Biz polıtsııaǵa habar berdik. Anam búgin saǵat 14:00 shamasynda úıge jetkizildi. Onyń jol boıynda otyrǵanyn atam men ájem baıqap qalǵan. Qazir jaǵdaıy birqalypty. Osy ýaqyt aralyǵynda qaıda bolǵany belgisiz. Іzdeýge ún qosqan aýyl turǵyndaryna, tártip saqshylaryna alǵys aıtamyn», - dedi Meńsulý Qurmanova telefon arqyly habarlasqanda.
Eske sala keteıik, qostanaılyqtyń 4 kúnnen beri izdestirilip jatqany týraly buǵan deıin habarlaǵan bolatynbyz.
