4 kenshiniń ólimi: Jumys berýshilerdiń kinási dáleldendi
2020 jyldyń 30 jeltoqsany kúni saǵat 21:21-de Hromtaý aýdany Kóktaý kentinen 30 shaqyrym jerde ornalasqan «Aqtóbe mys kompanııasy» JShS-niń «Vesennıaıa Aralchınskaıa» shahtasynda jarylys jumystaryn júrgizý kezinde tórt jumysshy mert bolǵan edi. Eńbek jáne halyqty áleýmettik qorǵaý mınıstrligi janynan qurylǵan komıssııa búgin tekserý qorytyndysyn shyǵardy.
«Jumysshylar ýlanyp, kóz jumǵan. Saýalnama jáne jumys berýshiniń tehnıkalyq qujattamasy men jınalǵan materıaldardy saralaı kele jumystyń durys uıymdastyrylmaǵany, eńbek qaýipsizdigi, eńbekti qorǵaý qaǵıdalarynyń buzylǵany anyqtaldy. ıAǵnı, 90 paıyz jumys berýshiniń, 10 paıyzy jumysshylardyń kinási. Oǵan«Vesennıaıa Aralchınskaıa» ken ornynyń bas ınjeneri N.Safın kináli. Ol jarylys jumystary kezinde qaýipsizdikti qamtamasyz etpegen, jeldetkish jumysyn toqtatqan. Shań jeldetý qyzmeti ýchaskesiniń bastyǵy A.Harrasov jarylys jumystarynan soń jerastyndaǵy aýa eseptegish quralyǵysynyń durys jumys isteýin qamtamasyz etpegen. Al qaza tapqan jumysshylar qaýipsizdik erejesin saqtamady. Tergeý qorytyndysy polıtsııaǵa berildi», - dedi Aqtóbe oblystyq eńbek ınspetsııasy basqarmasynyń basshysy Salamat Amanbaev.
Aıta keteıik, Aqtóbe mys kompanııasy mert bolǵan jumysshylardyń otbasyna 20 mıllıon teńge bóldi. Bul – birjolǵy kómek. Sonymen birge barlyǵynyń baspana máselesi sheshiledi. ıAǵnı, ár otbasyna bir páter beriledi. Olar páterdi aýdan ortalyǵynan nemese Aqtóbe qalasynan ala alady. Balalary 18 jasqa jetkenshe ákeleriniń eńbekaqysyn alyp otyrady. Al aman qalǵan jumysshyǵa densaýlyǵyn qalpyna keltirý úshin 5 mıllıon teńge birjolǵy kómek berildi.