4 qazanda respýblıkanyń birqatar aýmaǵyndaǵy aýa raıyna belsendi tsıklon yqpal etedi
ASTANA. 3 qazan. QazAqparat - Qazaqstan Respýblıkasy Qorshaǵan ortany qorǵaý mınıstrligi «Qazgıdromet» RMK-nyń málimetterinshe, belsendi tsıklon jáne oǵan baılanysty atmosferalyq bólikter 4 qazan kúni respýblıkanyń birqatar aýmaǵyndaǵy aýa raıyna yqpal etedi.
Soltústik aımaqtarda jaýyn-shashyn (qar aralas jańbyr) kútilýde, keıbir jerlerde ekpindi jel soǵady.
Qazaqstannyń batys jáne ońtústik bólikteri ǵana antıtsıklonnyń yqpalynda bolady.
Aqmola, Soltústik Qazaqstan, Pavlodar, Qostanaı, Shyǵys Qazaqstan, Qaraǵandy, Ońtústik Qazaqstan, Almaty oblystarynda, kúndiz Jambyl oblysynda keıbir jerlerde jel jyldamdyǵy 15-20 m/s-qa deıin kúsheıedi.
Ońtústik Qazaqstan, Qyzylorda oblystarynda túnde keıbir jerlerde aýanyń temperatýrasy 0-2 gradýsqa deıin tómendeıdi.
Qyzylorda, Ońtústik Qazaqstan, Jambyl, Almaty oblystarynyń keıbir jerlerinde tótenshe joǵary órt qaýiptiligi saqtalady.
Jaqyn táýlikterde respýblıkanyń taýly aımaqtarynda sý deńgeıleriniń aýytqýlary baıqalady. Ońtústik Qazaqstan jáne Qyzylorda oblystarynda aǵatyn Syrdarııa ózeninde sý deńgeıi tómendeıdi.
