4 qazanda elimizdiń basym bóliginde jaýyn-shashyn bolmaıdy - Qazgıdromet

ASTANA. KAZINFORM - Qazgıdromet Qazaqstan aımaqtarynda 2024 jylǵy 4 qazanda bolatyn qaýipti meteorologııalyq qubylystarǵa boljaý konsýltatsııasyn jarııalady.

QR kóp bóliginde antıtsıklonnyń áserinen jaýyn-shashynsyz aýa raıy kútiledi. Tek eldiń ońtústik-batysynda, ońtústiginde, ońtústik-shyǵysynda atmosferalyq frontaldy bólimderdiń ótýimen naızaǵaımen jańbyr jaýyp, túnde ońtústik-shyǵystyń taýly aımaqtarynda jaýyn-shashyn jaýady (jańbyr, qar).

QR boıynsha jeldiń kúsheıýi kútiledi, túngi jáne tańerteńgi saǵattarda soltústikte, shyǵysta, eldiń ońtústik-shyǵysyndaǵy taýly aýdandarynda tuman,ońtústiginde shańdy daýyl kútiledi.

Túnde Jetisý oblysynyń ortalyǵynda 2 gradýs úsik kútiledi.

Qaraǵandy, Mańǵystaý, Abaıoblystarynda, Aqtóbe oblysynyń soltústiginde, soltústik-shyǵysynda, Ulytaý oblysynyń shyǵysynda, Batys Qazaqstan oblysynyń soltústiginde, Jambyl oblysynyń ońtústik-shyǵysynda, Qostanaı oblysynyń ońtústiginde, soltústiginde, Shyǵys Qazaqstan oblysynyń ońtústiginde, ortalyǵynda joǵary órt qaýpi saqtalady.

Atyraý, Aqtóbe, Túrkistan, Qyzylorda, Jambyl, Batys Qazaqstan, Qostanaı, Ulytaý oblystarynyń ońtústik-batysynda, Qaraǵandy oblysynyń batysynda, shyǵysynda, Shyǵys Qazaqstan oblysynyń batysynda, Abaı oblysynyń ońtústiginde, Jetisý oblysynyń batysynda, soltústiginde, ortalyǵynda, Almaty oblysynyń soltústiginde, batysynda tótenshe órt qaýpi saqtalady.