4 qazanda Almatydaǵy Ǵ.Músirepov atyndaǵy balalar men jasóspirimder teatrynda - jańa premera
ASTANA. 29 qyrkúıek. QazAqparat - Almatydaǵy memlekettik akademııalyq Ǵ.Músirepov atyndaǵy balalar men jasóspirimder teatrynda - jańa premera. 4-6 qazanda saǵat 18.30-da M.Áýezovtiń «Aı-Qaragóz» tragedııasynyń qoıylymy ótedi.
Qoıýshy rejısseri - QR halyq artısi, Qazaqstan Lenın komsomoly syılyǵynyń laýreaty Talǵat Temenov, dep habarlady QR mádenıet jáne aqparat mınıstrliginiń baspasóz qyzmetinen.
M. Áýezovtiń «Qaragóz» týyndysy talaı sahnalarda kórermen kóptiń talǵam tarazysyna tartylyp kelgen. Ǵ.Músirepov teatrynda «Aı-Qaragóz...» spektakli óz jańashylyǵymen tuńǵysh ret qoıylyp otyr.
Spektaklde Tursynjan Shapaı, Bolatbek Nurqasymov jáne t.b kompozıtorlardyń mýzykalyq shyǵarmalary, sondaı-aq, Ramazan Stamǵazıev, Shaba Ádenqulqyzy, Ómirqul Aınııazovtyń oryndaýyndaǵy ánder qoldanylǵan.
