4 qazan kúni Qazaqstannyń basym bóligi jaýyn-shashyndy bolady
ASTANA. QazAqparat - Jeksenbi, 4 qazan kúni respýblıkanyń kóptegen bóliginde jańbyr, ekpindi jel, soltústikte jaýyn-shashyn túsetini kútilýde. Respýblıkanyń batys bóliginde ǵana jaýyn-shashynsyz kún raıy boljanyp otyr.
«Qazgıdromet» RMK-nyń aqparatynsha, Aqtóbe, Qostanaı, Aqmola, Soltústik Qazaqstan, Pavlodar, Qaraǵandy oblystarynda jeldiń 15-20 m/s deıin kúsheıýi, jel ekpini 25 m/s bolatyny kútilip otyr.
Ońtústik Qazaqstan oblysynyń keı jerlerinde kúndiz aýmaqtyń kóp bóliginde jeldiń jyldamdyǵy 15-20 m/s, jel ekpini 25 m/s deıin jetýi yqtımal.
Jambyl, Shyǵys Qazaqstan oblystarynyń kóp bóliginde kúndiz jeldiń jyldamdyǵy 15-20 m/s, jel ekpini 25 m/s deıin jetedi.
Almaty, Qyzylorda, Mańǵystaý, Atyraý, Batys Qazaqstan oblystarynyń keı jerlerinde jeldiń 15-20 m/s deıin kúsheıýi kútilýde.
Qyzylorda oblysy, Ońtústik Qazaqstan, Jambyl, Batys Qazaqstan, Atyraý, Qaraǵandy, Qostanaı, Aqtóbe oblystarynyń keıbir jerlerinde órt shyǵýdyń joǵary qaýpi saqtalyp otyr.
