4 qazaqstandyq jýrnalıst koronavırýs juqtyrdy – DSM
NUR-SULTAN. QazAqparat – Qazaqstanda koronavırýs ınfektsııasyn tórt tilshi juqtyryp aldy. Bul týraly Qazaqstannyń bas memlekettik sanıtar dárigeri Aıjan Esmaǵambetova málim etti, dep habarlaıdy QazAqparat tilshisi.
«Bizdegi málimetter boıynsha indetke shaldyqqandar arasynda tórt jýrnalıst bar. Olar ınfektsııany naýqaspen qarym-qatynas kezinde juqtyryp alǵan. Qazirgi ýaqytta atalǵan tilshilerdiń jaǵdaıy qanaǵattanarlyq deńgeıde», - dedi Aıjan Esmaǵambetova onlaın rejımde ótken baspasóz máslıhatynda.
Budan buryn habarlanǵandaı, Aıjan Esmaǵambetova mamyrdyń sońynda elimizde koronavırýs juqtyrǵandar sany 5,3 myńǵa jetýi múmkin ekenin aıtty.
