Qytaı chempıonatynda 4 qazaq boksshy júldeger atandy

ASTANA.KAZINFORM - XV kezekti búkilqytaılyq spartakıadasynyń boks jarystary 14 qarasha kúni óz maresine jetti.

14 kúnge sozylǵan baıraqty básekede ulty qazaq tórt boksshy júlde tuǵyrynan kórindi. Olardyń qatarynda Erdáýlet Maılanbek (71 keli) jáne Baıqonys Danabek (+92 keli) altyn medal ıelendi.

Sonymen qatar, Beıjiń qalasy atynan sharshy alańǵa shyqqan Ulpar Qarqyn (71 keli) kúmis medal, al Erbol Úsen (80 keli) qola medal jeńip aldy.

Aıta keterligi, Azııa oıyndarynyń chempıony, Olımpıada oıyndarynyń qatysýshysy Toqtarbek Tańatqan shırek fınalda súrindi.

Osyǵan deıin habarlaǵanymyzdaı, Qazaq sportshy Erqanat Aıtnamauly konkımen júgirý sportynan Qytaı ulttyq quramasy sapyna qosyldy.

Foto: Sınhýa