4 qarasha. Týǵan kún ıeleri
ESІMDER
103 jyl buryn (1915-2013) jýrnalıst, ádebı muralardy jınaýshy Gúlnár Mirjaqypqyzy DÝLATOVA dúnıege keldi.
Orynbor qalasynda týǵan. Almaty memlekettik medıtsına ınstıtýtyn (qazirgi S.D.Asfendııarov atyndaǵy Qazaq ulttyq medıtsınalyq ýnıversıtet) bitirgen. 1939-1987 jyldary - dáriger-dermatolog qyzmetin atqarǵan.
Ol - «Alash» qozǵalysynyń qaıratkerleri Álıhan Bókeıhanov, Ahmet Baıtursynuly, Mirjaqyp Dýlatov, Júsipbek Aımaýytov, taǵy basqalar týraly derekterdi alǵash jarııalaýshy. Almatydaǵy Ortalyq murajaıǵa, Torǵaıdaǵy, Semeıdegi, Astanadaǵy murajaılarǵa saıası qýǵyn-súrgin qurbandaryna qatysty olardyń jeke zattaryn, kitaptar, sýretter, hattar men qujattar, t.b. kóptegen eksponattar tapsyrǵan. Baspasózde Dýlatovanyń ocherkter men esseleri 1988 jyldan jarııalana bastady. «Svet ıstıny» («Shyndyq shyraǵy») kitaby 1995 jyly, 1999 jyly eki tomdyǵy jaryq kórdi. Sondaı-aq, ol ákesiniń «Oıan qazaq!» (Almaty, 1989) kitabyn, 2 tomdyq shyǵarmalar jınaǵyn (Almaty, 1996, 1997), 5 tomdyq shyǵarmalar jınaǵyn (Almaty, 2004) qurastyrýshylarynyń biri.
57 jyl buryn (1961) QR eńbek sińirgen ártisi, «Daryn» memlekettik jastar syılyǵynyń laýreaty, ánshi, akter Nurlan Áltaıuly ÓNERBAEV dúnıege keldi.
Ońtústik Qazaqstan oblysy, Tóle bı aýdany Qazaqstan aýylynda týǵan.
Qazaqstan Jastar odaǵy syılyǵynyń (1992), «Daryn» syılyǵynyń (1995) ıegeri, QR-nyń eńbek sińirgen ártisi (1995). M.Áýezov atyndaǵy drama teatry janyndaǵy akterler stýdııasyn bitirip, osy teatrda on jyldaı eńbek etti. «Ana - Jer Ana» spektaklinde Jaınaq rólin, «Qan men terde» Raı rólin oınady. Taǵy basqa 15 shaqty spektaklderde irili-usaqty keıipkerlerdi somdady. 1990 - 1998 jyldary Qazaq radıosynda dıktor bolyp qyzmet atqardy. 1996 - 1998 jyldary «Habar» agenttiginde aýdarmashy, dýblıaj bóliminiń jetekshisi, 1998 - 2002 jyldary respýblıkalyq Prezıdent orkestriniń ánshisi boldy. Nurlan Ónerbaevtyń úlken sahnadaǵy ánshilik, oryndaýshylyq óner joly 1986 jyldardan bastaý alady. Ol «Saǵynysh», «Anashym», «Áke armany», «Qazaq qyzy», «Sulýlyq», «Aýylym», «Týǵan kún», «Saǵyndym aýyldy», «Jan aǵa», «Mahabbat kóktemi», «Qaraǵym-aı», «Aqqýym», «Tańǵy tilek», «Aq tilek», «Aı da, kún de» ánderin, sondaı-aq halyq ánderinen «Dýdaraı», «Sandýǵash», «Bir bıdaı arpa», «Úkili kámshat», «Oı kók», «Beý, aıdaı», «Bıpyl» ánderin oryndap júr. Óner saparymen, kontserttik baǵdarlamamen Túrkııa, Italııa, Frantsııa, Japonııa, Chehııa, Slovakııa, Marokko, Qytaı, Germanııa, Mońǵolııa elderinde boldy. «Sulýlyq», «Jan aǵa» atty aýdıo kassetalary men «Qaraǵym-aı» jáne birneshe úntaspalary shyqqan. 2003 jyldan «Qazaqstan teledıdary men radıosy» respýblıkalyq korporatsııasy JAQ Basqarma tóraǵasynyń orynbasary, Qazaq radıosynyń bas dırektory. 2007 jylǵy qańtardan - Almaty qalasy mádenıet departamentiniń dırektory. 2008 jylǵy jeltoqsannan tórtinshi shaqyrylǵan QR Parlamenti Májilisine «Nur Otan» HDP tizimi boıynsha depýtat boldy. «Qyran» federatsııasynyń qurmetti prezıdenti. «Astana», «Qazaqstan Respýblıkasynyń táýelsizdigine 10 jyl» medaldarymen marapattalǵan, Mádenıet qaıratkeri.
54 jyl buryn (1964) QR Parlamenti Senatynyń depýtaty, Áleýmettik-mádenı damý jáne ǵylym komıtetiniń múshesi Dınar Júsipáliqyzy NÓKETAEVA dúnıege keldi.
Taldyqorǵan oblysynda týǵan. 1986 jyly S.M. Kırov atyndaǵy Qazaq memlekettik ýnıversıtetin jáne Ó.A.Joldasbekov atyndaǵy Mehanıka jáne mashınataný ınstıtýtyn bitirgen. Eńbek jolyn 1986 jyly Almaty oblysynyń Іle, Jambyl aýdandarynda balabaqsha tárbıeshisi, hımııa pániniń muǵalimi bolyp bastady. 1992 jáne 1993 jyldary Jambyl aýdandyq atqarý komıtetinde jastar isi boıynsha ınspektor, aǵa referent bolyp qyzmet istedi. 1994 jyldyń qańtarynan 1999 jyldyń qazanyna deıin Jambyl aýdany ákimshiliginiń referenti, aýdandyq máslıhattyń jetekshi mamany qyzmetterin atqardy. 1999 jyldyń qazanynan bastap Jambyl aýdany máslıhatynyń hatshysy boldy. 2004 jyly Qazaqstan Respýblıkasy Parlamenti Májilisiniń depýtaty 2008 jyldyń jeltoqsanynda Qazaqstan Respýblıkasy Parlamenti Májilisi Áleýmettik-mádenı damý komıtetiniń tóraıymy 2011-2017 jyldary Qazaq memlekettik qyzdar pedagogıkalyq ýnıversıtetiniń rektory qyzmetin atqardy. Qazirgi qyzmetinde 2017 jyldyń maýsym aıynan beri.
Qazaqstan Respýblıkasy Prezıdentiniń Jarlyǵymen memlekettik nagrada «Qurmet» ordenimen, sonymen birge «Qazaqstan Respýblıkasynyń táýelsizdigine 10 jyl» (2001 j.), «QazaqstanRespýblıkasynyń Konstıtýtsııasyna 10 jyl» (2005 j.), «Qazaqstan Respýblıkasynyń Parlamentine 10 jyl» (2006 j.) merekelik medaldarmen marapattaldy.
31 jyl buryn (1987) «Aqtaý teńiz porty» arnaıy ekonomıkalyq aımaǵy» AQ Basqarmasynyń tóraǵasy Baýyrjan Qaıratuly QAIRATOV dúnıege keldi.
Shyǵys Qazaqstan oblysy Semeı qalasynda týǵan. 2010 jyly «Bolashaq» baǵdarlamasy aıasynda AQSh-tyń Indıana ýnıversıtetin, 2016 jyly Memlekettik basqarý akademııasyn támamdady.
Eńbek jolyn 2010 jyly Shyǵys Qazaqstan oblysynyń Kýrchatov qalasyndaǵy «Tasymal kóligi» JShS-niń qarjy dırektory bolyp bastaǵan.
2012 jyly - Qazaqstan Respýblıkasy Ekonomıkalyq damý jáne saýda mınıstrliginiń arnaıy baǵdarlamalar basqarmasynyń sarapshysy, 2012-2013 jyldary - Qazaqstan Respýblıkasy Ekonomıka jáne bıýdjettik josparlaý mınıstrligi Memlekettik basqarýdy damytý departamentiniń Memlekettik basqarýdy damytý saıasaty departamentiniń bas sarapshysy, 2013-2014 jyldary - Qazaqstan Respýblıkasy Ekonomıka jáne bıýdjettik josparlaý mınıstrligi Memlekettik basqarýdy damytý departamentiniń Memlekettik basqarýdy damytý departamentiniń bas sarapshysy, 2014 jyly - Qazaqstan Respýblıkasy Ekonomıka jáne bıýdjettik josparlaý mınıstrligi Áleýmettik jáne kóshi-qon saıasaty departamentiniń bilim, ǵylym, mádenıet jáne sportty damytý basqarmasynyń basshysy, 2014-2017 jyldary - Qazaqstan Respýblıkasy Ekonomıka jáne bıýdjettik josparlaý mınıstrligi Áleýmettik, kóshi-qon saıasaty jáne memlekettik organdardy damytý departamenti Bilim, ǵylym, mádenıet, sportty damytý basqarmasynyń basshysy, 2017 jyly - Qazaqstan Respýblıkasy Premer-Mınıstri Keńsesiniń Aqparattyq-analıtıkalyq ortalyǵynyń jedel aqparat sektorynyń meńgerýshisi. 2017-2018 jyly - «Qazaqınvest» ulttyq kompanııasy» AQ Mańǵystaý oblystyq fılıaly dırektorynyń orynbasary qyzmetterin atqardy.
Qazirgi qyzmetinde - 2018 jyldyń qańtarynan.