4 qańtar. Tulǵalar týǵan kún
Búgin, 4 qańtar kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
71 jyl buryn (1954) Qazaqstan Respýblıkasynyń tanymal memleket qaıratkeri Musabek Turǵynbekuly ÁLІMBEKOV dúnıege keldi.
Jambyl oblysynda týǵan. 1981 jyly S.M. Kırov atyndaǵy Qazaq memlekettik ýnıversıtetiniń zań fakýltetin bitirgen.
1981-1982 jyldary Jambyl oblystyq sotynyń stajeri boldy. 1982-1987 jyldary Jambyl qalasy Ortalyq aýdandyq halyq sotynyń sýdıasy, 1987-1992 jyldary Jambyl oblystyq sotynyń múshesi, tóraǵanyń orynbasary, 1992-1996 jyldary Jambyl oblysy Ádilet basqarmasynyń bastyǵy, 1996-1999 jyldary Ońtústik Qazaqstan oblystyq sotynyń tóraǵasy, 1999-2001 jyldary Jambyl oblystyq sotynyń tóraǵasy, 2001-2006 jyldary Almaty qalalyq sotynyń tóraǵasy qyzmetin atqarǵan. 2006-2009 jyldary QR Joǵarǵy Sotynyń azamattyq ister jónindegi alqasynyń tóraǵasy, 2009-2011 jyldary QR Joǵarǵy Sotynyń tóraǵasy. Eýrazııalyq ekonomıkalyq qoǵamdastyǵy sotynyń sýdıasy. 2014 jyldan Qaraǵandy oblystyq sotynyń tóraǵasy. 2016-2020 jyldary – QR Sýdıalar odaǵynyń tóraǵasy qyzmetinde.
«Parasat» ordenimen, «Qazaqstan Respýblıkasynyń Táýelsizdigine 10 jyl», «Astananyń 10 jyldyǵy» medaldarymen, QR sottar odaǵynyń «Úsh bı» qurmet belgisimen, QR Prezıdentiniń Qurmet gramotasymen marapattalǵan.
48 jyl buryn (1977) Prezıdent Keńesshisi – Qazaqstan Respýblıkasy Prezıdentiniń baspasóz hatshysy Berik Ýálıuly QURMANǴALI dúnıege kelgen.
Shyǵys Qazaqstan oblysy Tarbaǵataı aýdany Oıshilik aýylynda týǵan. Ol T.Júrgenov atyndaǵy Qazaq memlekettik teatr jáne kıno ınstıtýtyn, ál-Farabı atyndaǵy Qazaq ulttyq ýnıversıtetin, Qazaq gýmanıtarlyq-zań ınnovatsııalyq ýnıversıtetin bitirgen.
Eńbek joly: 1997 jyly «Tań» telekompanııasynyń «Almaty jańalyqtary» aqparattyq baǵdarlamasynyń tilshisi, 2000-2007 jyldary «NTK» telearnasynda «Jańalyqtar» aqparattyq baǵdarlamasynyń redaktory, «31-shi arnada» «Informbıýro» aqparattyq baǵdarlamasynyń jaýapty redaktory, bas redaktory, júrgizýshisi, 2009-2012 jyldary «Nur Medıa» sybaılas jemqorlyqqa qarsy ortalyǵynyń basshysy, 2012-2015 jyldary Ońtústik Qazaqstan oblysy ákimi apparaty basshysynyń orynbasary, baspasóz qyzmetiniń basshysy, 2015-2016 jyldary «Nur Otan» partııasy tóraǵasy birinshi orynbasarynyń keńesshisi bolyp qyzmet atqarǵan. 2016-2018 jyldary QR Investıtsııalar jáne damý mınıstriniń keńesshisi, Aqparattyq qamtamasyz etý departamentiniń dırektory qyzmetterin atqarǵan. 2018-2019 jyldary Jambyl oblysy ákimdiginiń ishki saıasat basqarmasynyń basshysy, 2019-2022 jyldary QR Prezıdentiniń baspasóz hatshysy, 2022-2023 jyldary «Habar agenttigi» AQ Basqarma tóraǵasy laýazymyn atqardy.
Qazirgi qyzmetinde – 2023 jyldyń qyrkúıek aıynan bastap.
«Erkin sóz» baǵdarlamasynyń avtory, «Doda» qoǵamdyq-saıası tok-shoýynyń, «Habar» arnasyndaǵy «Betpe-bet» baǵdarlamasynyń júrgizýshisi, «Amanat» zııatkerlik klýbynyń jetekshisi, «Nur Otan» partııasynyń sybaılas jemqorlyqqa qarsy medıa ortalyǵynyń basshysy boldy. «Ulttyq arnadaǵy» «Birinshi stýdııa» baǵdarlamasynyń júrgizýshisi.
47 jyl buryn (1978) Almaty qalasy ákimi apparaty basshysynyń orynbasary Baýyrjan Jaleluly QABDOL dúnıege keldi.
Atyraý oblysynda dúnıege kelgen. H.Dosmuhamedov atyndaǵy Atyraý ýnıversıtetiniń kólik kolledjin, Ortalyq Azııa ýnıversıtetin, RF Prezıdenti janyndaǵy Reseı halyq sharýashylyǵy jáne Memlekettik qyzmet Akademııasyn bitirgen.
Eńbek jolyn 2002 jyly bastaǵan. Ár jyldary memlekettik jáne kommertsııalyq sektorlarda jumys istedi. 2021-2022 jyldary Aqtóbe oblysynyń qurylys, sáýlet jáne qala qurylysy basqarmasy basshysynyń orynbasary qyzmetin atqardy. 2022-2023 jyldary QR Ónerkásip jáne qurylys mınıstrligi Qurylys jáne turǵyn úı-kommýnaldyq sharýashylyq isteri komıteti tóraǵasynyń orynbasary bolyp jumys istedi.
Qazirgi laýazymyn 2023 jyldyń jeltoqsan aıynan beri atqaryp keledi.
41 jyl buryn (1984) «Sh.Esenov atyndaǵy Kaspıı memlekettik tehnologııalar jáne ınjınırıng ýnıversıteti» JEAQ Dırektorlar keńesiniń múshesi, «Quryq porty» JShS Bas dırektory Serik Jetpisbaıuly AHMETOV dúnıege keldi.
M.Lomonosov atyndaǵy Máskeý memlekettik ýnıversıtetiniń ekonomıka fakýltetin, «Almaty menedjment ýnıversıtetin» (iskerlik basqarý magıstri) bitirgen.
Eńbek joly: 2007-2009 jyldary «Qazmunaıgaz» UK» AQ bıznes-josparlaý jáne ekonomıkalyq taldaý bóliminiń bas mamany, 2009-2010 jyldary «Qazmunaıgaz» UK» AQ menedjeri, bas menedjeri, 2010-2014 jyldary «Qazmunaıgaz» UK» AQ Korporatıvtik qarjy departamentiniń dırektory, 2014-2019 jyldary «Qazmunaıgaz» UK» AQ qarjy dırektory, bas dırektorynyń qarjy jáne ekonomıka jónindegi orynbasary bolyp qyzmet etti.
Qazirgi qyzmetinde 2019 jyldyń qańtarynan beri.