4 qańtar. Týǵan kún ıeleri
ESІMDER
65 jyl buryn (1954) Qazaqstan Respýblıkasy Sýdıalar odaǵynyń tóraǵasy Musabek Turǵynbekuly ÁLІMBEKOV dúnıege keldi.
Jambyl oblysynda týǵan. 1981 jyly S.M. Kırov atyndaǵy Qazaq memlekettik ýnıversıtetiniń zań fakýltetin bitirgen. 1981-1982 jyldary - Jambyl oblystyq sotynyń stajeri. 1982-1987 jyldary - Jambyl qalasy Ortalyq aýdandyq halyq sotynyń sýdıasy. 1987-1992 jyldary - Jambyl oblystyq sotynyń múshesi, tóraǵanyń orynbasary. 1992-1996 jyldary - Jambyl oblysy Ádilet basqarmasynyń bastyǵy. 1996-1999 jyldary - Ońtústik Qazaqstan oblystyq sotynyń tóraǵasy. 1999-2001 jyldary - Jambyl oblystyq sotynyń tóraǵasy. 2001-2006 jyldary - Almaty qalalyq sotynyń tóraǵasy. 2006-2009 jyldary - QR Joǵarǵy Sotynyń azamattyq ister jónindegi alqasynyń tóraǵasy. 2009-2011 jyldary - QR Joǵarǵy Sotynyń Tóraǵasy. Eýrazııalyq ekonomıkalyq qoǵamdastyǵy sotynyń sýdıasy. Qaraǵandy oblystyq sotynyń tóraǵasy (2014 jyldan).
Qazirgi laýazymyn 2016 jylǵy qyrkúıekten beri atqaryp keledi.
«Parasat» ordenimen, «Qazaqstan Respýblıkasynyń Táýelsizdigine 10 jyl», «Astananyń 10 jyldyǵy» medaldarymen, QR sottar odaǵynyń «Úsh bı» qurmet belgisimen, QR Prezıdentiniń Qurmet gramotasymen marapattalǵan.
60 jyl buryn (1959) Qazaqstan Respýblıkasy Іshki ister mınıstrligi tergeý departamentiniń bastyǵy Muharan Serikuly ÁMІROV dúnıege keldi.
Gýrev qalasynda týǵan. 1976 jyly Gýrev qalasyndaǵy jalpy bilim beretin mektepti bitirgen jáne osy jyly KSRO ІІM Qaraǵandy joǵarǵy mektebiniń tergeý fakýltetin 1980 jyly bitirip, zańger-quqyqtanýshy mamandyǵyn alǵan. Eńbek jolyn 1980 jyly Gýrev oblystyq ІІB tergeýshisi retinde bastaǵan. 1980-1987 jyldar aralyǵynda Gýrev qalalyq ІІB tergeýshisi, aǵa tergeýshisi, tergeý bólimshesi bastyǵynyń orynbasary. 1987-1988 jyldary ІІB bastyǵynyń orynbasary, 1988-1989 jyldar aralyǵynda Qazaq KSR ІІM tergeý bóliminiń bastyǵy, Gýrev oblysynyń Dengiz aýdanynyń aǵa tergeýshisi, 1989-1993 jyldary Atyraý oblystyq ІІB Maqat aýdandyq ІІB bastyǵynyń orynbasary, 1993-1995 jyldary Atyraý oblysyna qarasty Embi aýdandyq ІІB bastyǵy, Atyraý oblystyq ІІB Atyraý qalalyq ІІB bastyǵy, 1995-2001 jyldar aralyǵynda Atyraý oblystyq ІІB bastyǵynyń orynbasary, 2002-2003 jyldary Aqtóbe qalalyq ІІB bastyǵy, 2003-2008 jyldary Atyraý oblystyq ІІD bastyǵy, 2008-2009 jyldary Qyzylorda oblystyq ІІD bastyǵy, 2009 jyly QR ІІM Tergeý komıtetiniń tóraǵasy, 2011-2014 jyldary - Aqtóbe oblystyq ІІD bastyǵy. Qazirgi qyzmetinde - 2014 jyldyń qyrkúıek aıynan bastap.
«Erligi úshin», «Qazaqstan Konstıtýtsııasyna - 10 jyl», «Qazaqstan Respýblıkasynyń táýelsizdigine - 20 jyl» medaldarymen nagradtalǵan. Budan basqa da birneshe Úkimettik jáne vedomstvalyq nagradalardyń ıesi.
55 jyl buryn (1964) Qazaqstan Respýblıkasy Bilim jáne ǵylym mınıstrligi Ǵylym komıteti tóraǵasynyń orynbasary Erkin Toqmuhameduly SADYQOV dúnıege kelgen.
Ol Almaty qalasynda týǵan. S.M. Kırov atyndaǵy Qazaq memlekettik ýnıversıtetin bitirgen, ekonomıst (1986).
Eńbek joly: Oqytýshy, aǵa oqytýshy, Qazaq memlekettik ýnıversıteti dekanynyń orynbasary (1986-1994); Qazaqstan Respýblıkasynyń Syrtqy ekonomıkalyq baılanystar mınıstrligi basqarmasy basshysynyń orynbasary (1994); Qazaqstan Respýblıkasy Ónerkásip jáne saýda mınıstrliginiń Departamenti dırektorynyń orynbasary, bas basqarma basshysynyń orynbasary (1994-1995); Nıderlandyda Qazaq saýda úıiniń bas dırektory (1995-1997); Almaty qalasynyń Syrtqy ekonomıkalyq jáne mádenı baılanystar jónindegi komıtet tóraǵasy (1997-2004); «Shaǵyn kásipkerlikti damytý qory» aktsıonerlik qoǵamynyń basqarma tóraǵasynyń orynbasary (2004-2006); «Ulttyq ınnovatsııalyq qor» aktsıonerlik qoǵamynyń basqarma tóraǵasynyń keńesshisi (2006-2007); «Jetisý» áleýmettik-kásipkerlik korporatsııasy «Ulttyq kompanııasy» aktsıonerlik qoǵamynyń basqarma tóraǵasynyń orynbasary (2007-2009); «Qazaqstan ıpotekalyq kompanııasy» aktsıonerlik qoǵamynyń basqarma basshysynyń orynbasary (2009-2011); «Turan» ýnıversıtetiniń professory, «Álemdik jáne ulttyq ekonomıka» kafedrasy (2011-2012); «KazEksportGarant» saqtandyrý kompanııasy» aktsıonerlik qoǵamynyń basqarma tóraǵasy (2012-2016).
Qazirgi laýazymyn 2017 jylǵy aqpannan beri atqaryp keledi.
42 jyl buryn (1977) Jambyl oblysy ákimdiginiń ishki saıasat basqarmasynyń basshysy Berik Ýálıuly Qurmanǵalı dúnıege kelgen.
Ol T. Júrgenov atyndaǵy Qazaq memlekettik teatr jáne kıno ınstıtýtyn; ál-Farabı atyndaǵy Qazaq ulttyq ýnıversıtetin; Qazaq gýmanıtarlyq-zań ınnovatsııalyq ýnıversıtetin bitirgen.
Eńbek joly: «Tań» telekompanııasynyń «Almaty jańalyqtary» aqparattyq baǵdarlamasynyń tilshisi (1997 jyldan); «NTK» telearnasynda «Jańalyqtar» aqparattyq baǵdarlamasynyń redaktory; «31-shi arnada» «Informbıýro» aqparattyq baǵdarlamasynyń jaýapty redaktory, bas redaktory, júrgizýshisi (2000-2007); «Nur Medıa» sybaılas jemqorlyqqa qarsy ortalyǵynyń basshysy (2009-2012); Ońtústik Qazaqstan oblysy ákimi apparaty basshysynyń orynbasary, baspasóz qyzmetiniń basshysy (2012-2015); «Nur Otan» partııasy tóraǵasy birinshi orynbasarynyń keńesshisi (2015-2016). 2016-2018 jyldary QR Investıtsııalar jáne damý mınıstriniń keńesshisi, Aqparattyq qamtamasyz etý departamentiniń dırektory qyzmetterin atqarǵan.
«Erkin sóz» baǵdarlamasynyń avtory, «Doda» qoǵamdyq-saıası tok-shoýynyń, «Habar» arnasyndaǵy «Betpe-bet» baǵdarlamasynyń júrgizýshisi, «Amanat» zııatkerlik klýbynyń jetekshisi, «Nur Otan» partııasynyń sybaılas jemqorlyqqa qarsy medıa ortalyǵynyń basshysy boldy. «Ulttyq arnadaǵy» «Birinshi stýdııa» baǵdarlamasynyń júrgizýshisi.