4 eldiń ókilderi Úlken Altaı ekonomıkalyq keńesin qurdy
ÓSKEMEN. QazAqparat - Shyǵys Qazaqstan oblysynyń delegatsııasy Mońǵolııanyń Hovd qalasynda Halyqaralyq úılestirýshi keńestiń «Altaı - ortaq úıimiz» atty 15-shi otyrysyna qatysty, dep habarlaıdy «QazAqparat» HAA tilshisi.
Sharaǵa, sondaı-aq Reseı Federatsııasynyń Altaı Respýblıkasynan, Qytaıdyń Shyńjań-Uıǵyr avtonomııalyq ólkesinen, Mońǵolııanyń Hovd jáne Baıan-Ólgıı aımaqtarynan delegattar qatysty.
Otyrysta yntymaqtastyqtyń perspektıvaly baǵyttary talqylanyp, aldaǵy jyly atqarylatyn jumystar jospary kelisildi.
Sharada qabyldanǵan mańyzdy sheshimderdiń biri HÚK bazasynda Úlken Altaı óńirleriniń ekonomıkalyq keńesin qurý máselesi boldy. Osy shara qatysýshylary biraýyzdan qoldap, qorytyndy qujatqa tirkeldi.
«Ekonomıkalyq keńestiń maqsaty - iskerlik bastamalardy qoldaý, yntymaqtastyqtyń basym baǵyttaryndaǵy jobalardy iske asyrý, sondaı-aq ónerkásip pen aýyl sharýashylyǵyndaǵy bıznes-yntymaqtastyqty nyǵaıtý», - dep málimdedi ShQO týrıstik aqparat ortalyǵynyń ókilderi.
