4 dúrkin Olımpıada chempıony dopıng erejesin buzǵanyn moıyndady
NUR-SULTAN. QazAqparat - Orta jáne uzaq qashyqtyqqa júgirýshi, tórt dúrkin Olımpıada chempıony, alty dúrkin álem chempıony brıtandyq Mo Farah dopıngke qarsy uıymdardan L-karnıtın zatyn qoldanǵanyn jasyrǵan. Bul týraly QazAqparat Bı-bı-sı agenttigine silteme jasap habarlaıdy.
2014 jylǵy London marafony qarsańynda L-karnıtın jeńil atlettiń aǵzasyna tórt ret engizilgeni anyqtaldy, alaıda bul týraly dopıngti baqylaýǵa arnalǵan formada kórsetilmegen.
L-karnıtın eger ruqsat etilgen 50 ml mólsherden asqan jaǵdaıda dopıng dep sanalady. Dopıngke qarsy uıymdardyń derekteri boıynsha Farahtyń jaǵdaıynda mólsheri aspaǵan, sondyqtan sportshyny tek dopıngti baqylaýǵa arnalǵan formada zatty qoldanǵany jóninde kórsetpegeni úshin ǵana aıyptaýǵa bolady.
Al sportshynyń bapkeri Alberto Salazar bul jaǵdaı týraly bilgen. Jattyqtyrýshy Salazar sporttan shettetilgen bolatyn.
Mo Farahtyń atalǵan zatty qoldanǵany jaıly birneshe jyldan keıin ǵana dopıng-komıssarlarymen bolǵan suhbat kezinde belgili boldy.
Farah áýelide bárin joqqa shyǵardy, biraq keıinirek ol ınektsııalar týraly umytyp ketkenin jáne zattyń atyn esine túsire almaǵandyǵyn málim etti.
