4 aıdaǵy bıýdjet tapshylyǵy 1 trln 355,5 mlrd teńge boldy

ASTANA. QazAqparat – Ulttyq ekonomıka mınıstri eldiń qańtar-mamyr aıyndaǵy áleýmettik-ekonomıkalyq damý qorytyndylaryn jarııalady, dep habarlaıdy QazAqparat tilshisi.

Mınıstrlik deregi boıynsha, qańtar-sáýir aralyǵynda memlekettik bıýdjetke 7 540,7 mlrd teńge túsim kelgen. Onyń ishinde transfertti esepke almaǵandaǵy kirister – 6 trln 140,2 mlrd teńge bolǵan. Al shyǵystar 8 trln 72,6 mlrd teńge bolyp, bıýdjet tapshylyǵy 531,9 mlrd teńge kóleminde qalyptasqan.

«Respýblıkalyq bıýdjetke túsimder 5 trln 638,9 mlrd teńge boldy. Onyń ishinde transfertti esepke almaǵandaǵy kirister – 4 trln 17,6 mlrd teńgeni qurady. Shyǵystar 6 trln 994,5 mlrd teńgeni, onyń ishinde shyǵyndar – 6 trln 778 mlrd teńgeni qurady. Tapshylyq – 1 trln 355,5 mlrd teńge.

2023 jylǵy 1 sáýirdegi jaǵdaı boıynsha Qazaqstannyń memlekettik boryshy 26 trln 418,9 mlrd teńge (59 mlrd AQSh dollary) nemese boljamdy JІÓ-niń 21,9%-yna teń boldy. Memlekettik boryshtyń 86%-yn Úkimetiniń boryshy (22 trln 718 mlrd tg nemese boljamdy JІÓ-niń 18,8%-y)», - delingen mınıstrlik málimetinde.

Vedomstvo aqapartyna súıensek, 2023 jylǵy 1 sáýirdegi jaǵdaı boıynsha kepildikter men kepilgerlikterdi qosa alǵandaǵy memlekettik borysh 2023 jyldyń basymen salystyrǵanda 4,1% ulǵaıyp, 27 trln 728,4 mlrd teńgege jetken. Onyń ishinde ishki borysh – 18 trln 013,4 mlrd teńge nemese boljamdy jalpy ishki ónimniń 14,9%-yna, syrtqy borysh – 9 trln 715 mlrd teńge nemese jalpy ishki óniminń 8,1%-yna teń.