4 aıda temirjolda bıletsiz júrgen 70 jolaýshy anyqtaldy
NUR-SULTAN. QazAqparat - 2019 jyldyń 4 aıynda poıyzda bıletsiz júrgen 70 jolaýshy anyqtaldy, dep habarlaıdy QazAqparat.
«Osy jyldyń alǵashqy 4 aıynda kompanııa tarapynan 2146 poıyz tekserildi. Tekserý nátıjesinde bıletsiz júrgen 70 jolaýshy anyqtaldy, 23 qyzmetkermen eńbek kelisimsharty toqtatyldy», - dep atap ótedi kompanııadan.
Jolda poıyz vagonynda kóńilińizden shyqpaıtyn ıis, las dáliz, ájethana bólmesindegi sýdyń tapshylyǵy, jyrtyq tósek-oryn syndy faktilerge tap bolsańyz onda mindetti túrde jolserikke nemese poıyz basshysyna shaǵymdaný qajet.
«Jolaýshynyń talaby boıynsha jolserik mindetti túrde Shaǵym kitapshasyn usynady. Ne bolmasa fotobeıne túsirip, 1433 biryńǵaı qyzmet ortalyǵyna nemese kompanııanyń resmı saıtyndaǵy Bas dırektordyń blogyna (https://www.temirzholy.kz/blog-predsedatelya-pravleniya/) jazyp jiberýińizdi suraımyz. Sonymen qatar áleýmettik jelilerdegi (Facebook, Vkonakte) bizdiń paraqshalarymyzǵa ótinim qaldyryńyzdar!», - delingen taratylǵan aqparatta.
