4 aıda Qazaqstan ekonomıkasyna 4,9 trln teńge ınvestıtsııa salynǵan
ASTANA. KAZINFORM — 2026 jyldyń 4 aıynda Qazaqstanyń negizgi kapıtalyna 4,9 trln teńge ınvestıtsııa salynǵan. Bul týraly Ulttyq ekonomıka mınıstriniń orynbasary Arman Qasenov ortalyq kommýnıkatsııalar qyzmetinde ótken baspasóz máslıhatynda aıtty.
— Alǵashqy 4 aıda negizgi kapıtalǵa salynǵan ınvestıtsııa 6,7% ósip, 4,9 trln teńgege jetti. 2025 jyly Qazaqstanǵa tartylǵan tikeleı sheteldik ınvestıtsııanyń jalpy aǵyny 20,5 mlrd dollar boldy. Bul 2024 jylmen salystyrǵanda 14,4%-ǵa kóp (17,9 mlrd doll.), — dedi vıtse-mınıstr.
Mınıstrlik ókili Moody’s, Standard & Poor’s jáne Fitch sııaqty halyqaralyq reıtıng agenttikteri Qazaqstannyń ınvestıtsııalyq reıtıngin únemi rastap otyrǵanyn atap ótti.
— Qazaqstanda bıznesti júrgizý úshin básekege qabiletti jaǵdaılar jasalǵan. Kompanııalardy tirkeý EGOV portaly arqyly onlaın formatta qoljetimdi. Investorlarǵa ınvestıtsııalyq kelisimshart jasasý sheńberinde salyqtyq jáne kedendik preferentsııalar, ınvestıtsııalyq sýbsıdııalar, zattaı granttar jáne basqa da memlekettik qoldaý sharalary beriledi, — dedi Arman Qasenov.
Buǵan deıin «Báıterek» eksportty qoldaý men ınvestıtsııa tartýdy kúsheıtetinin jazǵan edik.
