4 aıda ishki ister organdary qyzmetkerlerine qoqan-loqy jasaýdyń 373 faktisi tirkeldi - ІІM
ASTANA. 15 mamyr. QazAqparat - Aǵymdaǵy jyldyń 4 aıynda ishki ister organdary qyzmetkerlerine qoqan-loqy jasaýdyń 373 faktisi tirkeldi.
Bul týraly búgin aptalyq brıfıng barysynda QR ІІM resmı ókili Nurdildá Oraz málim etti.
«Aǵymdaǵy jyldyń 4 aıynda ishki ister organdary qyzmetkerlerie qarsy kúsh kórsetý, baǵynbaý jáne til tıgizý boıynsha 373 fakti anyqtaldy. Soǵan sáıkes 183 adam ákimshilik jazaǵa tartylsa, 171 qylmystyq is qozǵalyp, 6 adam sottaldy», - dedi ol.
Resmı ókildiń atap ótýinshe, qoǵamdyq tártipti saqtaý kezinde ishki ister organdary qyzmetkerleriniń zańdy talaptaryna baǵynbaý, qylmystyń jolyn kesý kezinde qarsylyq kórsetý nátıjesinde 19 polıtsııa túrli jaraqat alǵan.
