4 aıda elimizde adam saýdasymen aınalysqan 3 qylmystyq top anyqtaldy

ASTANA. QazAqparat – QR Іshki ister mınıstri Marat Ahmetjanovtyń aıtýynsha, 4 aıdyń ishinde Qazaqstanda adam saýdasynyń 30-ǵa jýyq faktisi tirkelip, 3 qylmystyq top anyqtalǵan,-dep habarlaıdy QazAqparat tilshisi.

Bul týraly mınıstr Astanada ótip jatqan Qazaqstandaǵy adam saýdasyna kúres týraly quqyqtyq forýmda aıtty.

«Birikken ulttar uıymynyń málimetine sáıkes, álemdegi adam saýdasy qurbandarynyń 70 paıyzy – áıelder men jas qyzdar. Al árbir úshinshisi –balalar. Ókinishke qaraı, bul problemanyń Qazaqstanǵa da qatysy bar», - dedi Marat Ahmetjanov.

Onyń málimeti boıynsha qazir jyl saıyn elde 100-den astam osyndaı qylmys tirkeledi.

«Buryn 300-ge deıin barýshy edi. Osy jyly tórt aıdyń ishinde adam saýdasynyń 30-ǵa jýyq faktisi anyqtalyp otyr. 3 uıymdasqan qylmystyq top ustaldy. Jalpy mınıstrlikte uıymdasqan qylmysqa qarsy kúres basqarmasyn qaıta qurýdyń arqasynda bul qylmystardyń anyqtalý qarqyny artyp keledi. Biraq moınydaý kerek, bul tek saldarymen ǵana kúres», - dedi Іshki ister mınıstri.