4 ana ólimi bolǵan perzenthananyń bas dárigeri qyzmetinen bosatyldy
«Bıyl bizdiń elimizde 266 myń náreste dúnıege keldi. Ókinishke qaraı, 40 jaǵdaıda áıelder qaıtys boldy. Sonyń ishinde 5 jaǵdaı osy Astana qalasynda tirkeldi. Olardyń tórteýi - 1- perınıtaldyq ortalyqta. Ótken aıda osy másele boıynsha biz jaǵdaıdy baqylaýǵa alyp, qajetti komıssııamen teksertý ótkizdik. Árıne, keıbir jaǵdaıda kemshilikter ákimshilik jaǵynan, jalpy medıtsınalyq kómekti uıymdastyrý jaǵynan olqylyqtar bolady. Osyǵan baılanysty sharalar qabyldanyp, bas dáriger jumystan bosatyldy», - dedi mınıstr.
Eljan Birtanov sonymen qatar, atalmysh perınıtaldyq ortalyqtyń jáne basqa klınıkalardyń mamandayr halyqaralyq sheteldik ortalyqtarǵa oqytýǵa jiberilgenin atap ótti.
«Ózderińiz kórgendeı, sheteldik mamandar da sheberlik sabaqtaryn ótkizip jatyr. Árıne, árbir jaǵdaı óte ókinishti. Qaıtys bolǵan áıelderdiń ata-analaryna, týǵan-týystaryna kóńil aıtqymyz keledi. Biz qajetti tekseristerdi, saraptamalardy quqyq qorǵaý organdarymen birlese ótkizemiz. Rasynda medıtsınalyq standarttarda buzýshylyq bolsa, tıisti sharalardy qabyldanady», - dedi ol.