4 aqpanda el aýmaǵynyń basym bóliginde qar jaýyp, jel kúsheıedi
ASTANA. QazAqparat - Atmosferalyq aǵyndardyń ótýine baılanysty Qazaqstannyń basym bóliginde qar jaýyp, burqasyn bolady, tek batysta jáne soltústik-batysta aýa raıy jaýyn-shashynsyz. Keı jerlerde tuman, kóktaıǵaq, jeldiń kúsheıýi kútiledi, dep habarlaıdy Qazgıdromet.
Almaty oblysynyń keı jerlerinde tuman túsedi, kóktaıǵaq, Jalańashkól aýdanynda jeldiń jyldamdyǵy 24-29 m/s jetedi.
Jambyl, Ońtústik Qazaqstan oblystarynyń keı jerlerinde tuman, kóktaıǵaq, burqasyn jáne jeldiń 15-20 m/s kúsheıýi saqtalady. Jambyl oblysynda túnde jeldiń ekpini 23 m/s.
Batys Qazaqstan oblysynyń keı jerlerinde kóktaıǵaq, kúndiz jel jaıaý burqasynmen 17-22 m/s kúsheıedi.
Kúndiz Atyraý oblysynyń keı jerlerinde jeldiń jyldamdyǵy 15-20 m/s jetedi.
Qyzylorda, Aqtóbe, Qostanaı, Soltústik Qazaqstan, Pavlodar, Shyǵys Qazaqstan, Qaraǵandy oblystarynda tuman túsýi yqtımal, Qaraǵandy oblysynda jaıaý burqasyn bolady.
