4 aqpanda Almatynyń Almaly aýdanynda sý bolmaıdy
ALMATY. QazAqparat – 4 aqpanda Almatynyń Almaly aýdanynda bireshe saǵat sýyq sý bolmaıdy, dep habarlaıdy QazAqparat tilshisi «Almaty sý» memlekettik qazynalyq kásipornyna silteme jasap.
4 aqpan kúni tańǵy saǵat 9:00-den keshki 16:00-ge deıin Qarasaı batyr – Úlken Almaty - Raıymbek – Brýsılovskıı kóshelerinde ornalasqan turǵyn úıler men ákimshilik ǵımarattarǵa sýyq sý berý toqtatylady.
«Sýdy óshirý magıstral jelilerine jańa sý qubyrlaryn qosý úshin jáne jelidegi tehnologııalyq qural-jabdyqtardy aýystyrý úsh qajet», - dep habarlady «Almaty sý» kásiporny.
Ótinim boıynsha densaýlyq saqtaý jáne áleýmettik sala obektilerine sý jetkizý qamtamasyz etiledi.
