4 aqpan. Tulǵalar týǵan kún
Búgin, 4 aqpan kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
63 jyl buryn (1962) Qazaqstan Respýblıkasy Sot ákimshiliginiń Jambyl oblysy boıynsha departamintiniń basshysy Berik Saılaýuly QULTASOV dúnıege keldi.
Shymkent oblysy Alǵabas aýdanynyń Buǵun aýylynda týǵan. «Quqyqtaný» mamandyǵy boıynsha Qaraǵandy memlekettik ýnıversıtetiniń túlegi.
Eńbek jolyn Taldyqorǵan qalalyq prokýratýrasynda aǵa tergeýshi bolyp bastady. 1985 jyly Keńes áskeri qatarynda boldy. 1987-1991 jyldary Qyzylorda qalasy prokýrorynyń kómekshisi, tergeý bóliminiń prokýrory, Qyzylorda oblystyq prokýratýrasynyń aǵa tergeýshisi qyzmetterin atqardy. 1991-1992 jyldary OQO oblystyq prokýratýrasy ishki ister departamentinde aǵa tergeýshi, 1992-1994 jyldary Jambyl oblystyq prokýratýrasynyń aıryqsha qaýipti qylmystardy tergeý bólimniń bastyǵy, 1994-1995 jyldary Jambyl oblysy, Jýaly aýdanynda prokýror, 1995-1996 jyldary Jýaly aýdany MTK bólim bastyǵy, 1996-1997 jyldary Jambyl oblysy MTKD basqarma bastyǵy qyzmetin atqarǵan. 1997-1998 jyldary Jambyl oblysy UQKD basqarma bastyǵynyń orynbasary, 1998-2000 jyldary Taraz garnızonda áskerı prokýror, 2000-2001 jyldary OQO áskerı prokýrory qyzmetinde boldy. 2001-2002 jyldary Almaty qalasy prokýrorynyń orynbasary, 2002-2008 jyldary Jambyl oblysy prokýrorynyń orynbasary, birinshi orynbasary, 2008-2009 jyldary Mańǵystaý oblysy prokýrorynyń birinshi orynbasary bolyp qyzmet etti. 2009-2012 jyldary OQO prokýrory, 2012-2013 jyldary Pavlodar oblysy prokýrorynyń orynbasary, 2013 jyly Jambyl oblysy prokýrorynyń orynbasary, 2017 jyly Jambyl oblysy Sottar ákimshisiniń basshysy bolyp qyzmet atqarǵan.
Qazaqstan Respýblıkasy Táýelsizdigine 10 jyl» medalimen (2001 j.) marapattalǵan. QR Prokýratýrasynyń qurmetti qyzmetkeri.
61 jyl buryn (1965) Qazaqstan Respýblıkasy Parlamenti Senaty janyndaǵy ınklıýzııa jónindegi keńestiń tóraǵasy Lázzat Moldabekqyzy QALTAEVA dúnıege keldi.
Qyzylorda qalasynda týǵan. 1983 jyly Búkilodaqtyq syrttaı óner ınstıtýtyn grafıka jáne stanok keskindemesi mamandyǵy boıynsha, 1991 jyly Abaı atyndaǵy Qazaq pedagogıkalyq ınstıtýtyn syzý jáne beıneleý óneri páni muǵalimi mamandyǵy boıynsha, 1997 jyly QMEBI janyndaǵy «Arman» oqý ortalyǵyn baǵaly qaǵazdar boıynsha mámileler jónindegi maman retinde, 2009 jyly Kaspıı qoǵamdyq ýnıversıtetin zańger bolyp támamdaǵan.
Eńbek joly: 1987-1991 jyldary Almaty qalasy Frýnze aýdandyq múgedekter qoǵamynyń hatshysy, 1997-2000 jyldary Almaty qalasynyń «DAEKO» JAQ baǵaly qaǵazdarmen mámileler jasaý jónindegi mamany, 1998-2001 jyldary Almaty qalasyndaǵy «Dáneker» JAQ baǵaly qaǵazdarmen mámileler jasaý jónindegi mamany, Almaty qalasyndaǵy «Qazaqstan-Aýdıt» JAQ baǵaly qaǵazdarmen mámileler jasaý jónindegi mamany bolyp qyzmet atqarǵan. 2001-2022 jyldary «Shyraq» múgedektigi bar áıelder qaýymdastyǵy» QB tóraǵasy boldy. 2006 jyldan bastap – «Almaty qalasy múgedekter uıymdary qaýymdastyǵy» zańdy tulǵalar birlestiginiń tóraǵasy. 2016-2021 jyldary Almaty qalasy máslıhatynyń depýtaty, 2022-2024 jyldary QR Parlamenti Senatynyń depýtaty bolǵan.
47 jyl buryn (1979) Qostanaı oblysynyń prokýrory Marat Islamhanuly SEKSEMBAEV dúnıege kelgen.
Arqalyq qalasynda týǵan. 2000 jyly E.Bóketov atyndaǵy Qaraǵandy memlekettik ýnıversıtetin támamdady.
Eńbek joly: 2000-2002 jyldary Qaraǵandy qalasy Sovet aýdandyq prokýratýrasynda jumys istedi. 2002-2003 jyldary QR bas prokratýrasynda aǵa prokýror, 2003-2004 jyldary QR Bas prokýratýrasynda quqyqtyq statıstıka jáne arnaıy esepke alý komıteti basqarmasy bastyǵynyń orynbasary, 2004-2009 jyldary QR Bas prokratýrasynda bólim bastyǵy, basqarma bastyǵy, 2009-2010 jyldary QR Ádilet mınıstrliginiń Taldaý jáne strategııalyq josparlaý departamentiniń dırektory, 2010-2011 jyldary QR Ádilet mınıstrliginiń Tirkeý qyzmeti jáne quqyqtyq kómek kórsetý komıtetiniń tóraǵasy qyzmetinde boldy. QR EQSJKA Sybaılas jemqorlyq týraly isterdi ashý jáne aldyn alý departamentiniń bastyǵy bolyp qyzmet atqarǵan. 2014-2015 jyldary QR Prezıdenti Ákimshiliginiń Quqyq qorǵaý júıesi bólimi meńgerýshisiniń orynbasary, 2015-2017 jyldary QR Bas prokýratýrasy birinshi departamentiniń bastyǵy, 2017-2021 jyldary Qaraǵandy oblysynyń prokýrory, 2021-2022 jyldary QR Bas prokýrorynyń apparat basshysy qyzmetinde boldy. 2022-2025 jyldary QR Bas prokýratýrasy janyndaǵy Quqyq qorǵaý organdary akademııasynyń rektory laýazymyn atqardy.
Qazirgi qyzmetinde 2025 jyldyń qyrkúıeginen beri.
3-shi dárejeli «Іsine adaldyq» medalimen marapattalǵan.
46 jyl buryn (1980) Qazaqstan Respýblıkasy Oqý-aǵartý vıtse-mınıstri Jaıyq Serikqalıuly ShARABASOV dúnıege keldi.
Batys Qazaqstan oblysynyń Oral qalasynda týǵan. M. Ótemisov atyndaǵy Batys Qazaqstan memlekettik ýnıversıtetin, QR Prezıdenti janyndaǵy Memlekettik basqarý Akademııasyn jáne Ýorık ýnıversıtetin (Ulybrıtanııa) bitirgen.
Eńbek jolyn 2003 jyly jeke qurylymda bastaǵan. 2004-2006 jyldary Batys Qazaqstan oblysy Іshki saıasat departamentiniń ártúrli bólimderinde bas mamannyń mindetin atqarýshy, bas maman laýazymdaryn atqardy. 2006-2010 jyldary QR Ádilet mınıstrligi Din isteri komıtetiniń Taldaý jáne aqparattyq-nasıhattaý jumysy bóliminiń bas mamanynyń mindetin atqarýshy, bas mamany, 2010-2012 jyldary Din isteri komıteti, Dinı birlestiktermen jumys basqarmasynyń 1-sanattaǵy sarapshysy, 2012 jyly QR Din isteri agenttiginiń Dinı birlestiktermen baılanys basqarmasynyń bas sarapshysy, 2012-2013 jyldary QR Ekonomıkalyq damý jáne saýda mınıstrliginde, keıinirek QR Ekonomıka jáne bıýdjettik josparlaý mınıstrliginde bas sarapshy, 2013-2014 jyldary QR Óńirlik damý mınıstrliginiń Aqparattyq qaýipsizdik, mobılızatsııalyq jumys jáne azamattyq qorǵanys basqarmasynyń basshysy, 2014-2016 jyldary QR Ulttyq ekonomıka mınıstrligi Óńiraralyq yntymaqtastyq, taldaý jáne óńirlerdi baǵalaý departamenti dırektorynyń orynbasary, 2016-2017 jyldary QR Ulttyq ekonomıka mınıstrligi Óńirlik saıasat, taldaý jáne óńirlerdi baǵalaý departamenti dırektorynyń orynbasary, keıin dırektory, 2017-2019 jyldary Pavlodar oblysy ákiminiń orynbasary, 2019 jyly QR Indýstrııa jáne ınfraqurylymdyq damý mınıstriniń keńesshisi, 2019-2023 jyldary QR Prezıdenti Ákimshiliginiń Áleýmettik-ekonomıkalyq monıtorıng bólimi meńgerýshisiniń orynbasary bolyp qyzmet atqarǵan. 2023-2025 jyldary QR Prezıdenti Ákimshiliginiń Áleýmettik-ekonomıkalyq saıasat bólimi meńgerýshisiniń orynbasary laýazymyn atqardy.
Qazirgi qyzmetigine 2025 jyldyń jeltoqsanynda kiristi.
45 jyl buryn (1981) Bas áskerı prokýrordyń birinshi orynbasary Maqsat Beısenbekuly QAZIEV dúnıege keldi.
Qaraǵandy oblysynda týǵan. Qazaq gýmanıtarlyq zań ýnıversıtetin bitirgen.
Eńbek joly: 2003-2005 jyldary Almaty oblysy Jambyl aýdandyq sotynyń mamany, 2005-2006 jyldary Almaty oblysy Almaty oblysy Іshki ister Bas basqarmasynyń Jambyl aýdandyq bólimi anyqtaý bólimshesiniń anyqtaýshysy, 2006-2008 jyldary Almaty oblysy Jambyl aýdany prokýrorynyń kómekshisi, 2008-2009 jyldary Astana q. «Almaty» aýdany prokýrorynyń kómekshisi, 2009-2010 jyldary Astana qalasy prokýratýrasynyń tergeý jáne anyqtaý zańdylyǵyn qadaǵalaý bóliminiń prokýrory bolyp qyzmet atqardy. 2010-2012 jyldary QR Bas prokýratýrasy departamentiniń tergeý jáne anyqtaý zańdylyǵyn qadaǵalaý bóliminiń prokýrory, aǵa prokýrory, 2012-2013 jyldary Aqmola oblysy kólik prokýrorynyń orynbasary, 2013-2014 jyldary QR Bas prokýratýrasynyń qylmystyq protsestiń sotqa deıingi satysynyń zańdylyǵyn qadaǵalaý departamenti qylmystyq protsestiń sotqa deıingi satysynyń zańdylyǵyn qadaǵalaý basqarmasynyń aǵa prokýrory, 2014-2016 jyldary QR Qarjy mınıstrliginiń Memlekettik kirister komıteti Jambyl oblysy boıynsha Memlekettik kirister departamenti basshysynyń orynbasary, 2016-2019 jyldary Qostanaı qalasynyń prokýrory, 2019-2021 jyldary Qostanaı oblysy prokýrorynyń orynbasary, 2021-2022 jyldaryQyzylorda oblysy prokýrorynyń birinshi orynbasary qyzmetinde boldy.
Qazirgi qyzmetin 2022 jyldyń tamyz aıynan beri atqaryp keledi.
117 jyl buryn (1909-1998) aqyn, dramatýrg, Qazaqstannyń halyq jazýshysy, Qazaqstan Memlekettik syılyǵynyń laýreaty Ábdilda TÁJІBAEV dúnıege keldi.
Qyzylorda qalasynda týǵan. Qazaq memlekettik ýnıversıtetin bitirgen.
1932-1948 jyldary Qarsaqbaıdaǵy «Qyzyl kenshi», respýblıkalyq «Jas alash» gazetterinde redaktordyń orynbasary, Qazaqstan Jazýshylar odaǵy basqarmasynyń hatshysy, tóraǵasy, Qazaqstan ǴA Til jáne ádebıet ınstıtýty Jambyl bóliminiń meńgerýshisi boldy. 1948-1958 jyldary shyǵarmashylyqpen aınalysty. 1959-1984 jyldary «Qazaq ádebıeti» gazetiniń jaýapty redaktory, Qazaqstan Jazýshylar odaǵy basqarmasynyń hatshysy, Qazaqstan ǴA Ádebıet jáne óner ınstıtýtynyń aǵa ǵylymı qyzmetkeri, teatr óneri bóliminiń meńgerýshisi qyzmetterin atqardy. Á.Tájibaevtyń «Júrektiler» pesalar jınaǵy, «Halqym týraly ańyz», «Jomarttyń kilemi», «Kóterilgen kúmbez» atty dramalyq dastandary, «Maıra», «Jartas», «Jalǵyz aǵash orman emes», «Kóńildester», «Qyz ben jigit», «Monologtar» atty dramalyq shyǵarmalary jaryq kórgen. «Dýbaı Shýbaevıch», «Toı bolarda» atty komedııalary bar. Ol ádebıettaný salasynda da ónimdi eńbek etti. Onyń «Qazaq dramatýrgııasynyń damýy men qalyptasýy» atty zertteýinde qazaq dramatýrgııasynyń kúrdeli máseleleri jan-jaqty qarastyrylǵan. Aqynnyń «Jyldar, oılar», «Jadannyń hattary», «Hattar sóılegende», «Ómir men erlik» degen syn, esse, proza kitaptarynda ádebıet pen ónerge qatysty jaılar jóninde tolymdy pikirler aıtylady. 1954 jyly Á.Tájibaevtyń stsenarııi boıynsha «Jambyl» fılmi túsirildi.
«Qazan tóńkerisi», 2 márte «Eńbek Qyzyl Tý», «Qurmet belgisi» ordenderimen jáne medaldarmen marapattalǵan.