4-6 shildege aýa raıy boljamy

ASTANA. QazAqparat – «Qazgıdromet» RMK 4-6 shilde aralyǵyna kún raıy boljamyn jarııalady, dep habarlaıdy QazAqparat.

«Elimizdiń basym bóliginde qubylmaly aýa raıy saqtalady: jańbyr, naızaǵaı, ekpindi jel kútiledi.

6 shildede respýblıkanyń shyǵysynda, ońtústik-shyǵysy men ortalyǵynda qatty jańbyr jaýyp, burshaq túsýi múmkin. Elimizdiń batysynda ǵana jaýyn-shashynsyz kún raıy qalyptasatyny boljanady.

Sondaı-aq batysta kúndizgi aýa temperatýrasy birtindep +33+39°S deıin joǵarylaıdy, al respýblıkanyń qalǵan bóliginde temperatýra: soltústik-batysta jáne ortalyqta +25+35°S deıin, soltústikte +25+30°S deıin, shyǵysta jáne ońtústik-shyǵysta +20+30°S deıin, ońtústikte +25+38°S deıin azdap tómendeıdi», - delingen sınoptıkter málimetinde.