4-5 shildede aýa temperatýrasy 43-47°S deıin kóteriledi: sınoptıkter eskertý jasady

ASTANA. KAZINFORM – «Qazgıdromet» RMK sınoptıkteri 4 jáne 5 shildege arnalǵan aýa raıy boljamyn jarııalady.

Sınoptıkterdiń boljamy boıynsha, Qazaqstannyń ońtústiginde aýa temperatýrasy 43-47°S deńgeıge deıin kóteriledi.

Meteorologtar respýblıkanyń basym bóliginde aýa raıy tsıklon jáne onymen baılanysty atmosferalyq frontaldy ýchaskeler arqyly anyqtalatynyn aıtty.

Osyǵan oraı 4-5 shildede elimizdiń soltústik-batysynda, soltústiginde jáne shyǵysynda burshaq aralas nóser jańbyr jaýady. Tek respýblıkanyń ońtústigi men ońtústik-shyǵysynda aýa raıy negizinen qurǵaq bolady. Sondaı-aq elimizdiń batysy men ońtústiginde shańdy daýylmen jeldiń kúsheıedi.

Elimizdiń basym bóliginde termometr kórsetkishteri kúndiz 35°C qatty qyzý belgisine jetedi.

4-5 shildede respýblıkanyń ortalyǵynda jáne shyǵysynda 40-42°S qatty ystyq bolady. Respýblıkanyń ońtústigi men ońtústik-shyǵysynda 35-40°S ystyq bolady. Keıbir aýdandarda 43-47°S qatty ystyq bolady.

Aıta keteıik, Frantsııada aptap ystyqtan eki adam qaza tapty.