4,5 myń pedagog tapshy: Astanada jalpyulttyq ata-analar forýmy ótti

ASTANA. QazAqparat – Búgin elordada «Ózińdi tap – ózegińe oral» taqyrybynda dástúrli jalpyulttyq ata-analar forýmy ótti, dep habarlaıdy QazAqparat.

Ǵylym jáne joǵary bilim mınıstrliginiń baspasóz qyzmetinen málim etkendeı, forýmǵa 700-den astam ata-ana, memleket jáne qoǵam qaıratkerleri, tanymal ǵalymdar, pedagogter men psıhologtar qatysty.

Jıynda urpaq tárbıesi men bala quqyǵyn qorǵaýǵa, otbasy qundylyqtaryn dáripteýge baılanysty mańyzdy máseleler talqylandy.

Ǵylym jáne joǵary bilim vıtse-mınıstri Talǵat Eshenqulov pedagog kadrlardyń tapshylyǵyn atap ótti.

«Búginde elimizde 4,5 myńnan astam muǵalim tapshy. Máselen, bir ǵana elordanyń ózinde jyl saıyn myńǵa jýyq pedagogke zárýlik týyndaıdy. Qazirgi kúnde Memleket basshysynyń tapsyrmasyna oraı Ǵylym jáne joǵary bilim mınıstrligi Astanada jańa pedagogıkalyq joǵary oqý ornyn ashý boıynsha jumys istep jatyr», – dep atap ótti vıtse-mınıstr.