4 000 tonna sý tógildi: Abaı oblysynda órt sóndirý jumystary jalǵasyp jatyr
Tótenshe jaǵdaılar mınıstrligi baspasóz qyzmetiniń málimetinshe, órtti sóndirýge TJM, Orman sharýashylyǵy komıtetinen, jergilikti atqarýshy organdardan jáne Qorǵanys mınıstrliginen 1 800-den astam adam, 350-ge jýyq birlik tehnıka jumyldyrylǵan.
Pılotsyz ushý apparatyn paıdalana otyryp, aerovızýaldy barlaý nátıjeleri boıynsha órt Kashtak ormanshylyǵynan Semeı qalasyna qaraı baǵyt alyp, joǵary órbigeni baıqalady. Jedel is-qımyldar men ýaqytyly qabyldanǵan sharalardyń arqasynda órttiń eldi mekenderge taralýyna jol berilgen joq.
Sonymen qatar, órt aýmaǵyn aerovızýaldy tekserý jáne órt oshaqtaryna áýeden sý tógý úshin tikushaqtar tartyldy. Ótken táýlikte órt oshaqtaryna áýeden 546 ret sý tógildi, jalpy kólemi – 1 500 tonnadan astam. Órtti sóndirý jumystary bastalǵannan beri órt oshaqtaryna áýeden 1 323 ret sý tógildi, jalpy kólemi – 4000-ǵa tonnaǵa jýyq.
Osyǵan deıin jedel jelige 150 qońyraý tústi. TJD jedel jeli telefony: 8 722 235 38 31.
Eske salaıyq, 8 maýsym kúni tutanǵan «Semeı» ormany rezervatyndaǵy órtpen kúreske jumyldyrylǵan 14 ormanshy qaza bolǵan edi. Abaı oblysy ákiminiń orynbasary Dımıtrıı Garıkovtyń aıtýynsha, órt 2 ret túsken naızaǵaıdan tutanǵan.
Prezıdent Qasym-Jomart Toqaev jumys saparymen Abaı oblysyna bardy.
12 maýsym elimizde Aza tutý kúni bolyp jarııalandy.
