4 000-ǵa jýyq qazaqstandyq QR Qarýly Kúshteriniń áskerlerine qyzmet etýge jiberildi (FOTO)

ASTANA. QazAqparat - Qazaqstan Respýblıkasynyń Qarýly Kúshterinde kúzgi shaqyrylym aıaqtaldy. Jaqynda ǵana 30212 áskerı bólimi Gvardeısk kentiniń oqý-jattyǵý ortalyǵyna Qaraǵandy oblysy men Almaty qalasynan 45 shaqyrylýshy jóneltildi. Búgin dál osy baǵytta 50-ge jýyq bozbala Petropavldan attanady.

Bul týraly Qorǵanys mınıstrliginiń baspasóz qyzmeti habarlady.

Qaraǵandy oblysynyń Qorǵanys isteri jónindegi departamentinde atap ótkendeı, 30212 áskerı bólimine jiberilgender 17 qala men oblys aýdandarynan iriktelinip alynǵan. Árqaısysynyń joǵary moraldyq-iskerlik qasıetteri, orta-arnaýly bilimi, «V», «S» sanatyndaǵy júrgizýshi kýáligi bar, sondaı-aq densaýlyq jaǵdaıy boıynsha shekteýleri joq («A» jaramdylyq sanaty). Merzimdi qyzmet ótkerý úshin shaqyrylym bastalǵaly beri Departamen barlyǵy 270 shaqyrylýshyny attandyrdy.

Sarbazdardyń jas tolymyn jóneltý QR QK-de 19 qazanda bastaldy.

Sol sátten bastap kún saıyn jekelegen áskerı komanda bolyp bozbalalar elimizdiń túkpir-túkpirine jiberildi. Áskerlerge sońǵy jóneltý erteń 7 qarashada ótedi.

Jas tolym úshin dástúrli túrde saltanatty shyǵaryp salýlar uıymdastyrylady, al qyzmet ótkerý oryndarynda olardy bolashaq komandırler, ofıtserler kútip alady. Olar sarbazdarǵa jańa jaǵdaıǵa beıimdelýlerine kómektesedi jáne merzimdi qyzmet aıaqtalǵanǵa deıin bozbalalarǵa áskerı istiń negizin, qyr-syryn oqyp-úıretedi.

Esterińizge sala keteıik, Qazaqstanda azamattardy merzimdi áskerı qyzmetke shaqyrý 1 qazanda bastaldy. Shaqyrylýǵa 18 ben 27 jas aralyǵyndaǵy 12 myńnan asa er azamat jatady. Olardyń 4000-ǵa jýyǵy Qarýly Kúshterdiń áskerı bólimderine, 2 000-ǵa jýyǵy UQK Shekara qyzmetine, 6 500-den astamy ІІM Ulttyq ulanyna jáne 300-ge jýyǵy Memlekettik kúzet qyzmetine merzimdi qyzmet ótkerý úshin bólindi.