39 jastaǵy Shymkent turǵyny áke-sheshesiniń aqshasyn jymqyrǵan
ShYMKENT. QazAqparat - Shymkentte 39 jastaǵy azamat ákesi men anasynyń bank kartochkasyn alyp, olardyń esepshotynan 180 000 teńgeni jymqyrǵan, dep habarlaıdy QazAqparat qalalyq polıtsııa departamentine silteme jasap.
Ákesi men sheshesi bankomattan aqsha alýǵa kelgen kezde shottaǵy qarjynyń qoldy bolǵanyn túsinip, bolǵan oqıǵa týraly polıtsııaǵa habarlaıdy.
Atalǵan jaıt Shymkent qalasy ál-Farabı aýdandyq polıtsııa bóliminiń sotqa deıingi tergep-tekserýdiń biryńǵaı tizilimine tirkelgen.
Jedel-tergeý tobynyń qyzmetkerleri kartochka shotynan aqsha joǵalýyna 39 jastaǵy azamattyń tikeleı qatysy bar ekenin jáne ol aqshanyń bir bóligin óz qajetine jumsaǵanyn anyqtaıdy.
Qazirgi ýaqytta tergeý júrip jatyr.
