39 myń adam kólikti mas kúıinde basqarǵan - Qalmuhanbet Qasymov
ASTANA. 19 qarasha. QazAqparat -Elimizdiń jol qaýipsizdigine qatysty jaǵdaı kúrdeli kúıinde qalyp otyr. Jyl basynan beri 11 myńnan astam jol-kólik oqıǵasy tirkelip, sonyń saldarynan 2 400 adam qaza bolyp, 13 myń 700 adam jaraqat alǵan.
Búgin Parlament Májilisinde ótken Úkimet saǵtynda baıandama jasaǵan Іshki ister mınıstri Qalmuhanbet Qasymov osylaı málim etti.
Mınıstrdiń aıtýynsha, aǵymdaǵy jyl basynan beri joldarda 1 mln. 600 myńǵa tarta jol erejelerin buzý anyqtalǵan. «Avtokólikti mas kúıinde basqarǵan 39 myń adam ustaldy. Sottar arqyly 31 myń júrgizýshi júrgizý quqyǵynan aıyryldy. 4,5 myńnan astamy ákimshilik qamaýǵa alyndy», - deıdi mınıstr Q. Qasymov.
Onyń sózine qaraǵanda, keler jyldan bastap avtokólikterdi tirkeý qyzmetteri, júrgizýshi kýálikterin berý Halyqqa qyzmet kórsetý ortalyqtary arqyly júzege asatyn bolady. Bundaı ortalyqtyń alǵashqylary Qaraǵandy, Almaty, Aqtaý jáne Astana qalalarynda ashylmaq.
