39 mln teńge bereshegi bar boryshkerdiń kóligi aıypturaqqa qoıyldy

Shymkentte «Boryshker» jedel-profılaktıkalyq is-sharasy ótip jatyr, dep habarlaıdy Kazinform.

Eki kún ishinde polıtsııa qyzmetkerleri men atqarýshylyq is júrgizý organdarynyń mamandary birlesip bereshegi bar júrgizýshilerden 20 mıllıon teńgeden astam qarajat óndirdi. Sondaı-aq qaryzyn óteýden jaltaryp júrgen júrgizýshilerge tólenetin tólemder týraly eskertip, 119 avtokólikti aıypturaqqa qoıdy. 

«D. Qonaev dańǵylynyń boıynda «Chevrolet Damas» avtokóligin toqtatqan polıtseıler júrgizýshiniń kólik basqarý quqyǵy shektelgenin jáne 39 mln teńge ótelmegen qaryzy bar ekenin anyqtady. Kólik birden aıypturaqqa qoıyldy», - delingen Shymkent qalasy polıtsııa departamentiniń baspasóz qyzmeti taratqan aqparatta.