39,5 myń qazaqstandyqtyń jumys isteýge nıeti joq – statıstıka

ASTANA. QazAqparat – Qazaqstanda jumyssyz bola tura, ony izdeýge jáne eńbek etýge qulqy joq 39,5 myń adam tirkelgen. Bul týraly QazAqparat tilshisi Ulttyq statıstıka bıýrosyna silteme jasap habarlaıdy.

Ótken jyldyń tórtinshi toqsanynda Qazaqstan ekonomıkasynyń túrli salalarynda 9 mln adam jumyspen qamtyldy. Olardyń 6,9 mıllıony jaldamaly qyzmetker bolsa, 2,1 mln adam ózin-ózi jumyspen qamtýshylar.

Bıýro dereginshe, tolyq jumyspen qamtylmaǵandar sany byltyrǵy úshinshi toqsanmen salystyrǵanda 9,9%-ǵa ósip, 268,9 myń adam boldy.

Byltyrǵy qorytyndy boıynsha jumyssyz qazaqstandyqtar sany - 456,1 myń adam. Al osy aralyqta qyzmet etýge qulyqsyzdar 19,3% bolyp tómendedi. ıAǵnı, elimizde jumys isteýge nıeti joqtar sany - 39,5 myń adam.