385 myń adam nesıe alýdan bas tartty - Qarjy naryǵyn retteý agenttigi
ASTANA. KAZINFORM — Qarjy naryǵyn retteý jáne damytý agenttigi tóraǵasynyń orynbasary Kızatov Oljas Qazaqstanda nesıeden óz erkimen bas tartqan adamdarǵa qatysty túsinik berdi.
«Bıyl aqpan aıynda zańnamanyń tıisti normasy kúshine endi. Qazir 385 myń qazaqstandyq nesıeden erikti túrde bas tartý quqyǵyn paıdalandy. Sonymen qatar bankter men mıkroqarjy uıymdaryna jaýapkershiliktiń qosymsha talaptaryn qarastyrdyq. Eger olar buryn óz erkimen bas tartqan adamǵa nesıe bergen bolsa, onda bankter men mıkroqarjy uıymdary bul qaryzdardy mindetti túrde ony esepten shyǵarýy tıis. Bul rette, kredıttik bıýro júıesinde bul adamdarǵa qatysty teris málimetterdi joıýǵa mindetti», - dedi Oljas Qızatov Ortalyq kommýnıkatsııalar qyzmetindegi baspasóz máslıhatynda.
Onyń aıtýynsha, eger qarjy uıymdary jaǵynan talaptardy oryndamaý derekteri bolsa, osy málimetter jaıynda agenttikke habarlaýǵa shaqyrdy. Bul turǵyda osy qarjy uıymdaryna qatysty qadaǵalaý sharalary qoldanylady.
Buǵan deıin Qazaqstan azamattary qandaı jaǵdaıda kredıt tóleýden bosatylatynyn jazǵan edik.
Kamıla MÚLІK
