38 ret jol erejesin buzǵan atyraýlyq júrgizýshi 1,9 mln teńge aıyppulyn tólemegen
ATYRAÝ. KAZINFORM – Atyraýlyq júrgizýshige 38 márte jol erejesin buzǵany úshin 1 mln 904 myń 620 teńgeniń aıyppuly salynǵan. Alaıda, ol aıyppuldy osy kezge deıin tólemeı júrgen.
Atyraý qalalyq polıtsııa basqarmasynyń aqparatyna qaraǵanda, jedel basqarý ortalyǵynyń qyzmetkerleri «Interceptor» avtomattandyrylǵan baqylaý júıesi arqyly Toyota Camry kóliginiń júrý baǵytyn anyqtaǵan.
– «Interceptor» – arnaıy beınebaqylaý men taldaý qurylǵylary arqyly aıyppuly bar nemese izdeýde júrgen kólikterdi avtomatty túrde anyqtaıtyn ıntellektýaldy júıe. Búgin atalǵan júıe arqyly aıyppulyn tólemeı júrgen júrizýshi anyqtalyp, jaqyndaǵy patrýldik polıtsııa qyzmetkerlerine habarlandy. Kólik Atyraý qalasyndaǵy Sultan Beıbarys kóshesin toqtatylyp, 32 jastaǵy júrgizýshige qatysty derekter tekserildi. Kólik júrgizýshisiniń 38 márte jol qaýipsizdigi erejesin buzyp, 1 mln 904 myń 620 teńge aıyppulyn tólemegeni anyqtaldy. Qazir júrgizýshige qatysty tıisti is-qujattary rásimdeldi. Endi qoldanystaǵy zańnamaǵa sáıkes shara qoldanylady, - dep habarlady polıtsııa basqarmasynan.
Aıyppul tólemegen júrgizýshiniń arnaıy aıyp turaǵyna qoıylǵan.
Eske sala ketelik, buǵan deıin Atyraý oblysynyń turǵyndary 505 mln teńgeniń kólik salyǵyn tólemeı júrgenin habarlaǵan edik.