38 myńnan astam qazaqstandyq Vero cell vaktsınasyn aldy
«Tıisti kontıngentti vaktsınatsııalaý jalǵasýda. Búgingi kúni vaktsınanyń 11,1 mln dozasy paıdalanyldy. Onyń ishinde 1 komponentpen 6 276 224 adam egildi, bul tıisti halyqtyń 63 paıyzy. Ekinshi komponentpen 4 913 196 adam qamtyldy. Respýblıkaǵa QHR-da óndirilgen Sinofarm vaktsınasynyń 1 mln dozasy ákelindi. Onyń ishinde egý pýnktterine vaktsınanyń 659 400 dozasy jetkizildi. Osy aptada vaktsınatsııalaý bastaldy, 38 161 adam egildi. Egý pýnktterinde shamamen 1 mln 300 myń birinshi komponent jáne 940 myń ekinshi komponent bar», - dedi ol Ortalyq kommýnıkatsııalar qyzmetindegi baspasóz máslıhatynda.
Sonymen qatar ol koronavırýstyq ınfektsııanyń turaqty túrde mýtatsııalanýyna qaramastan, profılaktıkalyq is-sharalar vaktsınatsııa, maska kııý rejımi; úı-jaılardy jeldetý; qol gıgıenasy; áleýmettik qashyqty saqtaý bolyp qala beretindigin basa aıtty.
«Qazaqstandyqtarǵa, qarapaıym profılaktıkalyq is-sharalardy saqtaý jáne vaktsınatsııalaný qajettiligi týraly taǵy da eske salamyn», - dedi Alekseı Tsoı.
