38 mln teńgeniń maskasyn kontrabandalyq jolmen shetelge shyǵarmaq bolǵandar ustaldy
QR UQK men QR ІІM birlesken is-sharalary aıasynda uıymdasqan qylmystyq top músheleriniń Qazaqstannan jalpy somasy 38 mıllıon teńge bolatyn medıtsınalyq maskanyń iri partııasyn kontrabandalyq jolmen alyp ótý áreketiniń joly kesildi. Ustalǵandardyń barlyǵy – buryn aýyr qylmys jasaǵany úshin sottalǵan destrýktıvti dinı aǵymdy jaqtaýshylary bolyp shyqty. Qorǵanys maskasyn uıymdasqan qylmystyq toptyń músheleri qazaqstandyq dárihanalardy qamtamasyz etkisi kelgen otandyq jáne sheteldik kásipkerlerdi bopsalaý jáne aldaý arqyly alǵan.
Bul qylmystyq toptyń yqpalymen keıbir zańǵa baǵynatyn azamattar da sheteldik satyp alýshylardy izdeýmen aınalysqan. Bir qyzyǵy, qylmystyq toptyń músheleri alǵan qarajatty qymbat kólik men brend taýarlar satyp alýǵa, meıramhanalarǵa jumsaǵan.
Bastalǵan qylmystyq is aıasynda destrýktıvti aǵymdardy jaqtaýshylardyń úsheýi ustalyp, tergeý ızolıatoryna qamaldy. Keltirilgen zalaldy óteý boıynsha sharalar qabyldanyp jatyr.
