38 gradýs ystyq: Taǵy birneshe óńirde eskertý jarııalandy
NUR-SULTAN. QazAqparat – «Qazgıdromet» RMK 4 shilde kúni aýa raıynyń buzylýyna baılanysty birneshe óńirde eskertý jarııalady, dep habarlaıdy QazAqparat.
Atap aıtqanda, Atyraý oblysynda 35-38 gradýs qatty ystyq kútiledi. Órt qaýpi joǵary bolady. Atyraý qalasynda kúndiz 36-38 ystyq boljanady.
Mańǵystaý oblysynyń keı jerlerinde 38 gradýs qatty ystyq kútiledi.
Aqmola oblysynyń keı jerlerinde qatty jańbyr jaýady. Túnde jáne tańerteń tuman bolady. Soltústik-batystan soqqan jeldiń kúshi kúndiz 15-20 m/s jetedi.
Batys Qazaqstan oblysynyń ońtústik bóliginde kúndiz 35-38 gradýs qatty ystyq kútiledi.
Sınoptıkter buǵan deıin Qaraǵandy jáne Soltústik Qazaqstan oblystarynda eskertý jarııalaǵan edi.
