378 mln teńge shyǵyn keltirgen 4 brakonerdiń isi qaralyp jatyr
ATYRAÝ. QazAqparat - Atyraýdyń №2 sotynda Isataı aýdany Janbaı aýylynynyń tórt turǵynyna qatysty qylmystyq is boıynsha tyńdaý ótip jatyr. Olar memleketke keltirilgen 378 mln teńge boıynsha aıyptalýda, dep habarlaıdy «QazAqparat» HAA tilshisi.
«Ótken jyldyń qarasha aıynda Janbaı aýylynyń 25-27 jastaǵy turǵyndary N. Maǵynbaev, N.Esenǵalıev, M.Batyrbaev jáne D Erkinov Kaspıı teńiziniń jaǵalaýynda iri kólemdegi balyq partııasymen ustaldy. Olardyń ıeligindegi qaıyqtan jalpy salmaǵy myń keliden asatyn 304 bekire jáne bekire tuqymdas balyq tabyldy. Tergeý jumystary memleketke 378 026 745 teńge shyǵyn keltirilgenin dáleldedi», - deıdi Oblystyq orman sharýashylyǵy jáne janýarlar dúnıesi ınspektsııasynyń bas mamany Oleg Týshkanov.
Inspektsııa qyzmetkeri 2017 jyldyń ózinde balyq qorǵaý zańnamasy boıynsha 1 496 ereje buzý faktilerin anyqtaǵan. Jyl kóleminde brakonerlerden 22 tonna 825 keli balyq, 1570 balyq aýlaý quraldary, 276 birlik kólik jáne júzý quraldary tárkilengen.
